Venetens

Venetens (Bretonek: Bro-Wened; Frynkek: Vannes) yw cita ystorek war arvor dehow Breten Vian. Y boblans yn 1999 o 51 759 heb nyveryansow dewblek, hag yth esa 118 029 a dus y’n randir drevek. Y boblans nowyttha yw 54,420 (1 Genver 2021)den. Yma nyver a bennskolyow kevrennys dhe’n Université de Bretagne Sud. Penncita a département Mor Byhan yw Venetens.

Kastell yn Venetens.

An cita goth.

Yma hanow an cita ow talleth gans huni an looth keltek neb a driga a-dro dhe’n cita, an Veneti. Kyns termyn Julius Caesar, yth esa dhodha morlu posek ha kevrennow kenwerth gans Breten Veur. An cita romanek, henwys Dariorigum, a veu selyes omma. Yth esa tus Venetens ow kewsel Latin kyns devedhyans an Vrythonyon yn Breten Vian; wosa henna, ’eth an cita ha’y hyrhyn o Bretonek bys termyn Nessa Bresel an Bys.

Y’n Osow Cres Venetens o penncita Bro Venetens. Padern rug selya epskobeth Venetens a-dro dhe'n vledhen 500.

Yn lien Kernewek, Meryasek a gyv menehi ogas dhe Venetens yn Josselin, ha Yurl Venetens a’n pys heb seweni a vos epskop an dre.

Gevellansow

• Mons (Pow Belg) a-dhia 1952
• Cuxhaven (Almayn) a-dhia 1963
• Fareham (Breten Veur) a-dhia 1967

Yma'n erthygel ma owth usya an Furv Skrifys Savonek a-barth Kernowek kres.