Aasivissuit – Nipisat
Ertachva an Bys UNESCO yn Greunland
Aasivissuit – Nipisat yw Ertachva an Bys UNESCO desdhys yn Greunlond west.
.JPG) | |
| Sort |
tiredh gonisogethel  |
|---|---|
| Doronieth | |
| Konteth |
Qeqqata |
| Gwlas |
Greunlond |
| Kesordnogyon |
67.063931°N 51.433206°W |
 | |
| Studh ertach |
Ertachva an Bys UNESCO |
| Manylion | |
Apoyntys veu yn 2018, an tyller a with remenans hendhyskoniethel a anedhyans owth ystyn dres 4,000 bledhen. An ertachva a gomprehend dustuni a helghya sesonek dhyworth an gonisogethow Saqqaq, Dorset, ha Thule, ha dustuni Inuit ha trevesigethel magata. An ertachva a ystyn 150 mildir ynter Enys Nipisat (9 mildir dhe'n soth a Sisimiut) ha'n lien rew.
Tylleryow hendhyskoniethel
golegi
Yn Ertachva an Bys yma seyth tyller hendhyskoniethel hag unn drev arnowydh, ow representya lies oos istorek.
- Desedhys yw Aasivissuit war an tiryow ughel gwastas yn rann est an ertachva. Kamp hav o dhe'n bobel Thule yntra'n 15ves kansvledhen dhe'n 19ves. Omma yma remenans 22 tyller tylda, krowyow rag gwitha kig ha bedhow. Diskudhys veu morwuwyow, bolyow hag uloyow (kesunyans a gollell ha kraver usys gans benenes Thule) ena.
- Itinnerup Tupersuai yw ensampel a gamp hav Inuit a'n kansvledhynnyow 18ves ha 19ves usys rag helghya kerwys ergh.
- Fondys yn 1851 avel gwik pyskessa, gesys veu Saqqarliit yn 1961. An tyller a gomprehend magyoryow an chapel ha selyow lies drehevyans trevesigethel aral, ha ynkleudhvaow Kristyon ha Kynskristyon.
- Sarfannguit yw an unnik tyller y'n ertachva le mayth yw pobel trigys. Y boblans yn 2020 o 96. Fondys veu an dre yn 1843. Ev a gomprehend nebes drehevyans a'n oos trevesigethel.
- Arajutsisut o drev usys gans an bobel Thule y'n gwav. Arajutsisut a gomprehend magyoryow pymp chi kemmyn tipek a'n 17ves ha 18ves kansvledhen. Hys an chiow o 8-10 m, dell yw usys, ha'ga les 4-5 m. Y fedha bys dhe 30 person ow triga ynna.
- Trevesigeth rag an gwav o Innap Nuua ynwedh. Ev a gomprehend tri chi kemmyn (onan gans hys a 25m) ha drehevyansow kotta, bedhow ha dustuni a byskessa ha helghya magata.
- Yn penn pella an ertachva, Enys Nipisat a gomprehend lies artifakt a'n wonisogeth Saqqaq ow tedhya a'n oos 2,500 KOK dhe 800 KOK.