Esedhvos Kenedhlek Kembra
an moyha gool gonisogethel Kembra
(Daskevarwodhys dhyworth An Esedhvos Kenedhlek Kembra)
An gool gonisogethel moyha posek yn Kembra yw Esedhvos Kenedhlek Kembra. Synsys veu y’n kensa le yn 1176 yn Aberteifi, mes dastallethys veu yn Aberdâr yn 1861. Yma lies kesstrif yn lien, ilow ha drama. Henwyn an kesstrifow moyha posek yw An Gader ha'n Gurun rag bardhonieth, y Fedal Ryddiaeth rag yeth plen, y Rhuban Glas (an Snod Glas) rag an kaner gwella, Pewas er kov Daniel Owen rag novel, Pewas Dysker an Vledhen ha'n Pewas Skiens ha Teknologieth. Synsys yw yn Gogledh ha Dyghow Kembra pub yn eyl bledhen.
|
Stokk a-dro dhe Gembra yw an erthygel ma. Hwi a yll gweres Wikipedya orth y efani. |
Yma'n erthygel ma owth usya an Furv Skrifys Savonek a-barth Kernowek kres.