Arabi

Arabi yw rannvro veur ynni lies gwlaskor anserghek. Yma "Arabi" ow styrya an konna-tir arabek yn le may tallethas an pobel arabek; po an powyow oll ynna poblans arabek hedhyw.

Unyans Arabek

Gwlasow Arabek

Yma'n mappa ma ow tiskwedhes an statys eseli a'n Unyans Arabek, h.y. nessa styryans an term "Arabi".

KONNA-TIR ARABEK: Arabi Saoudek; Bahreyn; Katar; Oman; Pennternasedh Unys Arabek; Yemen

MESOPOTAMI: Irak; Koweyt

AN HOWLDREHEVEL po AL-MASHRIQ: Jordan; Lebnon; Palestayn; Surri

POWYOW AN NIL: Ejyp; Lybi; Soudan

GOGLEDH AFRIKA po AL-MAGHREB: Aljeri; Marokk; Moritani; Sahara West; Tunisi

POWYOW AN KEYNVOR EYNDEK: Komoros; Jibouti; Somali

(Nyns yw Israel ow kul rann a'n Unyans politek ma, mes yma poblans arabek meur ena. Nyns yw arab moyha tus yn Komoros na Somali, hag yma kemmyniethow meur a dus nag yns arab y'n Maghreb (h.y. an Berbers); Moritani ha Soudan (bagasow afrikanek du); Irak ha Surri (Kurdyon); ha statow an Gammas Persek (Eyndogyon hag erell).)

Arabi hag Islam

Yma Islam ow talleth y'n konna-tir arabek, yn le ma yma hwath an sitys pur sans Mekka ha Medina; hag a-ban yw skrifys yn arabek an Qur'án, yma Muslimyon a-dreus an bys ow studhya an yeth arabek rag aga dyskansow kryjyk. Byttegyns, le es 33% a boblans Muslim an bys yw Arabys hedhyw.