Dyffransow ynter amendyansow a "Adolf Hitler"

Hitler re geworras an Sudetenland yn Czechoslovakia, rann meur y niver Almaynegoryon, ha daskavanedhis an Tir Rhine, erbynn kevambos Versailles. Almayn a woryskynnas Poloni yn 1939, yndella a dhallathas Nessa Bresel an Bys. Hitler a wrug kevambos gans Emperoureth Nihon yn unn furvya an Gallosow Axis. Sewen o Almayn bys dhe 1941, ow kemeres brassa rann an tir Europa. Hitler a erviras dalleth front nowydh yn est yn unn derri pact gans Stalin. Kyn trehedhsons yn uskis ogas dhe Voskva yn 1942, lu Almaynoryon a dheu ha bos stag yn gwav hwerow Russek.An poynt-treylyans a dheu yn kas Stalingrad 1942-3. Wosa kas hir ha gosek, nevra ny regemeras Hitler an les. An luyow Keffressysi a woryskynnas trethow Normandy yn 1944. Yntra 1944 ha 1945 an Geffressysi a avonsyas war-tu hag Almayn.

 

Gorth-semitegieth Hitler ha'y barti a sewyas yn persekutyans Yedhowon hag a dhallathsa kyns Nessa Bresel an Bys. Wosa kuntel Yedhowon dhyworth Almayn ha Gwlasow fethys erel yn kampow keskreunyans yn bledhenyow a-varr an vresel, y tallathas an Nazis towlen (henwys yn Almayn Nazi avel an 'Digolm Final a'n Govyn Yedhowek') dhe dhiwreydhyans yn tien Yedhowow Europa. Moy ages hwegh milvil yedhow a veu ledhys y'n [[Loskaberth]], kyns diwedh an vresel. Kynth o yedhowon an brassa rann ledhys, bagasow erel a veu ledhys ynwedh.