Dyffransow ynter amendyansow a "John Major"

'''Sir John Major''', KG, CH (genys 29 mis Meurth 1943) yw politiger neb o hembrenkyas Parti Gwithadorek hag a sodha avel pennmenyster Ruwvaneth Unys hag Wordhon Gledh a 1990 dhe 1997. Ev a dheuth ha bos pennmenyster wosa omdenna [[Margaret Thatcher]] dhyworth an etholans hembronkyas mis Du 1990. Ev a wayn etholans kemmyn 1992, ha pesya avel pennmenyster bys yn etholans kemmyn 1997, may feu [[Tony Blair]] ha [[Lavur]] sewen.

 

Genys veu Major yn Sutton, Surrey. Y das, Tom Major-Ball o gwarier ''Music Hall'' hag o 64 y oos ha bos John genys. Ev a worfennas skol 16 y oos. Ev a junyas Gwithadoryon Yowynk nebes wosa.

 

=== Cabinet ===

Ev a veu gwrys Skrifennyas Privedh Parliament yn 1981, ha hwip darbarek yn 1983. Y gynsa soodh governans o Menyster Stat yn asran Dhiogeledh Socyalek yn 1986. Wosa etholans 1987 y feu avonsys dhe Skrifenyas Chyf dhe'n Dresorva. Yn dasrestrans tromm Cabinet, y feu gwrys Skrifennyas Stat Negysyow Estreynek ha Commonwealth. Tri mis unnik y sodhas kyns bos gwrys Chansler Exchequer, wosa omdennans Nigel Lawson mis Hedra 1989.

[[Klass:Politegoryon a'n Ruwvaneth Unys]]