Dyffransow ynter amendyansow a "Repoblek"

Content deleted Content added
Gourmas (keskows | kevrohow)
Gwruthyl an folenn.
(Dihevelepter vyth)

Versyon a-dhia 15:47, 13 Du 2020

Repoblek (ynwedh poblegeth, po trawerin) yw furv governans heb myghtern, myghternsys, po pennsevigeth heryus. Pennfentenn an repoblek yw Rom, dhe 509 K.Oe.K. wosa an werin Romanek dhe dhomhwel an ruvaneth Romanek. Hag i rydh, y selsons repoblek, governans mayth etholis an vurjysi kannasow dhe rewlya a-barth dhedha.

Omguntellva Romanek

Y teu an sovranedh kenedhlek diworth awtorita an governans, a-der emperour po myghtern. Y teu an ger repoblek diworth geryow an yeth Latinek res publica, an pyth a styr "tra boblek". An geryow na yw ynwedh pennfentenn an term trawerin. Rag ensampel, yth yw repoblek an Statys Unys hag Eynda keffrys, mes repoblek yw henwys ynwedh Korea Gledh ha Kuba. Byttegyns, nyns yw An Ruvaneth Unys ha Kanada repoblegi, drefenn bos dhedha myghtern (Myghternes Elizabeth 2ª dhe'n dhiw).

Hanow kenedhlow gans ruw po neb eghenn arall a vyghtern keffrys hag etholansow rydh yw myghterneth korf-laghel, a-der repoblek. Yth yw myghterneth kof-laghel haval orth repoblek drefenn bos amendys an korf-lagha dhe witha an nerth yn-mes a dhrehedhyans an myghtern, ha dhe selya fondyansow a omdhesedh orth krysieth repoblegieth (ynwedh trawerinieth). Yssynsys ynna yw an Ruvaneth Unys ha Gwlaskordhow erell a Les an Gemmyn, an Iseldiryow, Pow Tay, kenedhlow Skandinavek hag erell. An pyth yw dyffrans yn repoblek yw y hwrer ha gweythresa an lagha heb awtorita riel.