Dyffransow ynter amendyansow a "Ben Howard"
Content deleted Content added
No edit summary |
No edit summary |
||
Linen 1:
{{Person | fetchwikidata=ALL | onlysourced=no | suppressfields= | nationality = [[Ruvaneth Unys]]}}
'''Ben Howard''' (genys an 24a a vis Ebrel 1987) yw kaner ha skrifer kanow bretennek.
Esel a vagas A Blaze of Feather yw ev maga ta, gans India Bourne, Mickey Smith, Nat Wason, Richie Thomas ha Kyle Keegan.
==Bewnans a-varr==
Ben Howard veu genys yn Loundres, Pows Sows, hag a removyas dhe Dewnans pan veu 8 bloodh. Ev veu megys gans kerens ilowek neb a’y gomendya dh’aga flasennow meurgerys dhyworth skriforyon kanow kepar ha John Martyn, Van Morrison, Joni Mitchell ha Simon&Garfunkel.
Howard a dhallathas skrifa kanow pan veu 11 bloodh. Ev a wari nebes daffar ilow avel flogh, yn aga mysk an gitar, tabours ha kontrafaborden, mes wosa termyn ev a erviras fogella war an gitar. Wosa attendya Kolji Kemenethek King Edward VI ha Skol Ramer Mebyon Torquay ev a dallathas studhya jornalyeth yn Pennskol Aberfala, Kernow. Hwegh mis kyns korfenna y kors, Ben Howard a erviras fogella war ilow leun-dermyn, ha gwruthyl ilow werinek gans geryow tewlla. Y vri a devis a-dro dhe Kernow ha Dewnans, hag yn skon lesa dhe ranndiryow erel a’n RU. Wosa mis a geskanow leun dres Europa ha’n RU govynnys veu Howard wortiwedh dhe sina dhe Island Records.
Awos y gevren gans an dre, dewisys veu Ben Howard yn 2014 dhe apperya war noten £10 leel Totnes.
==Resegwa ilowek==
'''2008-2011: livresons a-varr'''
Kyns sina dhe label sonskrif, Ben Howard re dhyllas nebes taklow seulabrys. Yn 2008 ev y honan a dhyllas y blasenn gynsa ‘Games in the Dark’ (Gwariow y’n Tewlder). Y gynsa dyllans meur o ‘These Waters’ (An Dowrow Ma), plasen ystynnys gans hwegh kan, yn aga mysk ‘The Wolves’ (An Bleydhes). Yn 2010, Ben Howard a dhyllas PY ‘Old Pine’ (An Saben Goth), hag ena niver a senglow, kepar ha ‘The Fear (An Own) ha (Syns Dha Benn War-Vann). Erbynn lemmyn Howard a’n jeva kanow lowr dhe dhyllo kuntilow, ‘Every Kingdom’ (Pub Ruvaneth), hag a gomprehend niver a’y senglow kyns. Onan a’n kanow dhyworth an kuntilow ma, ‘Ambos’ (Promys) veu devnydhys yn rann gynsa ‘An 100’. Yn 2010, ev a dhallathas skoodhya keskanow Angus&Julia Stone yn Europa. Ben Howard ynwedh a’s omjunyas rag performans byw a ‘Yellow Brick Road’ (Fordh A Vrycks Melyn) yn Paris.
'''2011-2013: Every Kingdom'''
Ben Howard a sinas dhe Island Records yn 2011, awos istori a'n label gans kanoryon werinek RU, yn aga mysk Nick Drake ha John Martyn. Ev a rekordyas y guntilow kynsa ‘Every Kingdom’ (Pub Ruvaneth), a veu dhyllys an 3a mis Hedra 2011.
Ben Howard a oberas gans India Bourne, Marcus Wright ha Chris Bond dhe wul ‘Every Kingdom’.
Yn 2012, Howard a lonchyas y ilow yn Amerika orth dyllo ‘Every Kingdom’ an 3a mis Ebrel 2012, ha kana y’n gool ilow South by Southwest (SXSW) yn Teksas ha fastyans torn an SU. Y gan ‘Promise’(Promys) veu devnydhys orth penn seson 8, rann 12 a dowlen bellwolok ‘House’.
Yn mis Me 2012, Ben Howard a berformyas ‘The Wolves’ (An Bleydhes) war ‘Later…with Jools Holland’. Ev a warias yn Gool Ilow Pinkpop y’n Iseldiryow an 26ves mis Me hag Radio 1's Big Weekend (Penn-Seythen Bras Radyo 1) yn Hackney an 24a mis Metheven 2012. Ev a warias ynwedh yn 2012 Bonnaroo Music Festival yn Manchester, Tennessee, yn gool ilow 2012 T in the Park yn Alban, keffrys ha Beach Break Live 2012 yn Kembra Dyghow, Bestival 2012 ha Splendour in the Glass 2012. Ben Howard ynwedh a warias yn Austin City Limits Music Festival yn mis Hedra 2012.
Yn mis Du 2012, Ben Howard a dhyllas PY ‘The Burgh Island’ (An Enys Burgh), askorrys gans Chris Bond, hag a gomprehend peder kan nowydh. An nessa kan dhyworth an PY, ‘Oats in the Water’ (Kergh y’n Dowr), veu devnydhys yn ‘Internment’, an pympes rann y’n peswora seson a ‘The Walking Dead’, y’n rann gynsa a’n tressa seson a ‘The Following’, hag y'n gwydhyow dyllo rag ‘The Witcher 3: Wild Hunt’. Yn 2014, devnydhys veu an gan ‘Promise’ dhyworth an kuntilow ‘Every Kingdom’ yn ‘Suits’,11ves rann a dressa seson, ‘Buried Secrets’ ha 10ves ran a gynsa seson ‘Sacrifice’.
Ben Howard a warias war an Pyramid Stage yn Gool Glastonbury 2013.
'''2014: I Forget Where We Were'''
An 5es mis Est 2014, gwariys veu ‘End of the Affair’ (Diwedh a'n Kerensa Gudhys), sengel kynsa Howard dhyworth y nessa kuntilow war dhiskwedhyans Radyo 1 Zane Lowe ha diskwedhyans XFM Danielle Perry. An 18ves mis Est 2014 Ben Howard a dheklaryas titel y nessa kuntilow vos ‘I Forget Where We Were’ (My a ankev mayth esen ni). An 26ves mis Hedra ‘My a ankev mayth esen ni’ eth ha bos niver 26 y’n chart Kuntilowyow Sodhogel RU. An 6ves mis Ebrel 2015, Ben Howard a dhyllas dedhyasow torn y’n SUA, gans Daughter, bagas indie gwerinek bretennek avel skoodhyans.
'''2018: Noonday Dream'''
An 4a mis Ebrel 2018 deklarys veu an tressa kuntilow ‘Noonday Dream’ (Hunros Hanterdydh) dhe dhyllo an 1a mis Metheven 2018. ‘A Boat To An Island On The Wall’ (Skath dhe enys war an fos), sengel nowydh veu dhyllys ynwedh.
Warbarth ha’y vagas Ben Howard a berformyas diw gan dhyworth an kuntilow, ‘Nica Libres At Dusk’ ha ‘Towing The Line’, war dowlen ‘Later…with Jools Holland’ an 15ves mis Me 2018.
An 13ves mis Gwynngala 2018 Ben Howard a dhyllas 'Another Friday Night/Heavy Summer (featuring Sylvan Esso)/Sister'.
'''2021: Collections From The Whiteout'''
An 26ves mis Genver 2021, Ben Howard a dheklaryas y beswora kuntilow, ‘Collections from the Whiteout’ (Kuntellesow dhyworth an tewedh ergh) dhe dhyllo an 26ves mis Meurth 2021. An keth jydh, Ben Howard a dhyllas an sengel ‘What A Day’. An kuntilow veu askorrys gans Aaron Dessner, an esel a The National ha Big Red Machine, ha rekordys dres 18 mis.
==Bewnans privedh==
Ben Howard re beu warbarth ha Agatha Lintott a-dhia 2014. Ev yw skoodhyer a Glub Pel Droos Liverpool.
==Plasennow hir==
• Every Kingdom (2011)
• I Forget Where We Were (2014)
• Noonday Dream (2018)
• Collections From The Whiteout (2021)
==Pewasow==
'''Brit Awards (Pewasow Bretennek)'''
{| class="wikitable"
!Bledhen
!Degemerer
!Henwans
!Sewyans
|-
!2013
!Ben Howard
!Dallethor Bretennek
!Gwaynys
|-
!
!
!Artydh Gorow Solo Bretennek
!Gwaynys
|}
'''Mercury Prize (Pewas Mergher)'''
{| class="wikitable"
!Bledhen
!Degemerer
!Henwans
!Sewyans
|-
!2012
!Every Kingdom
!Kuntilow a'n vledhen
!Henwys
|}
'''Ivor Novello Awards (Pewasow Ivor Novello)'''
{| class="wikitable"
!Bledhen
!Degemerer
!Henwans
!Sewyans
|-
!2013
!Every Kingdom
!Kuntilow a'n vledhen
!Henwys
|-
!2015
!I Forget Where We Were
!An gwella gan herwydh ilow ha geryow
!Henwys
|-
!2019
!Nica Libres at Dusk
!An gwella gan herwydh ilow ha geryow
!Gwaynys
|}
[[Klass:Kanoryon]]
| |||