Dyffransow ynter amendyansow a "Sort Europek"

Onan a seytek eghen a sort y'n bys yw an '''sort europek''' po ''European hedgehog'' yn [[Sowsnek]]. Y hanow yn [[Kembrek]] yw ''draenog'' a gampoll y dhreyn. Yma dhe bub sort a-dro dhe 5,000 - 8,000 a dhreyn war y geyn. Eghen gemmyn yw gans gwandrans efan dhyworth [[Spayn]] dhe [[Russi]]. Meur-gerys yw drefen y vos kemmyn yn lowarthow, ha'y us a dhybri ballow lowarth. Sad yw y boblans y'n brassa rann a [[Europa]] marnas [[Breten Veur]], yn le mayth usi ow lehe.

Eneval nos yw an sort dre vras, ha pan vo ow kerdhes, ev a hock yn fenowgh rag frikhwytha an ayr. Herwydh usadow, i a gosk dres an gwav. Olldhybrus yns i, mes an brassa rann a'ga diet yw hwesker. Y voos moyha-gerys yw hwiles, moryon, gwenyn, goghi, gorlost, tykkiow Duw ha godhanes, mes i a yll dybri hwiles du, kulyeges reden, melhwes, oyow, kwilkynnyow ha karyn, keffrys ha has, know ha [[Frothen|frooth]].

An seson maga a dhalleth wosa gwavkoska, gans dinythi ow hwarvos ynteryntra mis Me ha mis Gortheren, dell yw usys. Hys degyans yw 31-35 dydh. Teylu a beswar flogh yw kemmyn. Dall yw an fleghes pan vo genys. Tennys yns i dhyworth an vron[[Bronn|vronn]] pan yns i peder dhe hwegh seythen. Gwaytyans bewnans kresek yw teyr bledhen, mes i a yll bewa bys dhe deg bloodh. An skila voyha kemmyn a vernans yw fowt [[boos]], dell yw usys a-dhistowgh wosa gwavkoska. I a yll gwitha aga honan dre wul aga honan avel pel, mes [[Lowarn|lewern]] ha [[Brogh|broghes]] a dheber nebes anedha. Yn brastir Europa, eroulys hag owreres yw peryl moyha sortes.

Endemik yw an sort europek y'n brassa rann a Europa dhyworth Enesow Bretennek ha gorenys Spayn dhe Russi europek ha'n brassa rann a enesow krestiryel. Komendys vons dhe [[Mordir Nowydh|Vordir Nowydh]], ha pla yns i ena rag [[Edhen|ydhyn]] ha hwesker teythyek. Kevys ynsi yn lies eghen a vewva, ow komprehendya gwydhegi, gwelstiryow, tir aradow ha lowarthow.

Hedgehog in its nest in Tuntorp.jpg|skeusennik|Sort yn y nyth yn-dann prysken y'n kynnyav yn [[Sweden]]