Dyffransow ynter amendyansow a "Kowethas an Yeth Kernewek"

Pub mis, dyllo a wra an Kowethas ''[[An Gannas]]'' hag ynni erthyglow, hwedhlow, nowodhow, skrifow ha krowseryow. Dyllo yw rann dhe les an ober gwrys gans an Kowethas. Y’n mysk an taklow gwrys ganso yw lyvrow, dydhlyvrow, hwedhlow ha daffar dyski. Lyvrow gans snodow ha plasennow arghansek yw dyllys keffrys rag gweres dhe’n studhyoryon. An Kowethas a wra kwethow-te, hanafow, arwoedhygyow karr, pluvennow, kartennow, krysyow-tT ha taklow erell dhe wertha. Dres an vlydhen an Kowethas a rester nebes dydhyow an taves, skoedhys yn fenowgh gans ilow kernewek ha donsya. Chons da yw rag Kernewegoryon dhe gesvetya yn hwarvos gans Kernewek kewsys yn unnik.

Rag lies esel, ughboynt an vlydhen yw an [[Bennseythun Gernewek]]. Homm yw hwarvos may ma Kernewegoryon a bub nivell ow kodriga warbarth ha kewsel an yeth. Herwydh usadow, synsys [[Pask|Paskweyth]] yw. Yn-mysk an hwarvos erell yma kerdhow kevarwoedhys, kuntellesow [[Yeth an Werin]] (chons da rag kesklappya yn Kernewek, synsys yn diwotti yw herwydh usadow) ha [[Dydhyow Lowender]]. An Kowethas a re gwasonieth derivadow digost rag tus a’ga honan ha kowethasow erell. Y hyllir kavoes derivadow war studhow a istori, studhyansow, henwyn teyluyow ha tylleryow, henwel fleghes, stretow, chiow, skathow, enyvales dov yn Kernewek, treylyans ha devnydh a Gernewek yn negysyow hag argemmynnieth.

An Kowethas a re gweres dhe’n klasow Kernewek a-hys [[Kernow]] ha pella. An Kowethas a with kevrennow gans meur a gowethasow gonisogethek yn Kernow ha pella, hag y’ga mysk kowethasow yeth hag adhyskans y’n powyow keltek erell. An Kowethas yw kowethas bodhek (niver alusen 1065527) ha'y arghans yw sevys dre nebes grontow, eseleth, gwerthow ha rohow.