Akord Paris

kevambos keswlasek adoptys yn 2015

Akord Paris yw kevambos keswlasek a-dro dhe janj an hin adoptys yn 2015.[1] An akord a gomprehend sewajyans, aswiwans hag arhas chanj an hin. Bargynnys yw ynter 196 partiow orth Keskussulyans Chanj an Hin an Kenedhlow Unys 2015 yn Paris, Pow Frynk.[2]

██ Partiow stat

██ Sinoryon

██ Partiow yn-dann fastheans Unyans Europa ynwedh

██ Nyns yw Akord a dhesedh

Yn mis Du 2021, 193 esel an Akordyans Framweyth a-dro dhe Janj an Hin Kenedhlow Unys o unver gans an Akord. Nyns eus pedwar esel an Akordyans Framweyth yn Akord Paris: Iran, Eritrea, Libi ha Yemen. An SUA a kwytyas an Akord yn 2020,[3] mes dasjunyas yn 2021.[4]

Amkan an Akord yw finwetha ynkressyansow yn tempredh ollvysel kresek yn-dann dhew radh Celsius (mes yn-dann 1.5 gradh Celsius mars yw possybyl) yn kehevelyans gans nivelyow ragdiwysyansek.[2] An partiow a assentyas ynwedh provia $100bn pub bledhen dhe weres powyow moy boghosek.[5]

Devynnow golegi

  1. COP21 climate change summit reaches deal in Paris, BBC (yn Sowsnek), 13 mis Kevardhu 2015, kyrghys 15 mis Ebrel 2022
  2. 2.0 2.1 The Paris Agreement, Kenedhlow Unys (yn Sowsnek), kyrghys 15 mis Ebrel 2022
  3. Matt McGrath (4 mis Du 2020), Climate change: US formally withdraws from Paris agreement, BBC (yn Sowsnek), kyrghys 15 mis Ebrel 2022
  4. Josh Lederman (19 mis Hwevrel 2021), U.S. rejoins Paris climate agreement. Now comes the daunting part., NBC (yn Sowsnek), kyrghys 15 mis Ebrel 2022
  5. Helen Briggs (25 mis Hedra 2021), Why is the Paris climate agreement important for COP26?, BBC (yn Sowsnek), kyrghys 15 mis Ebrel 2022