An artys-gwrythya yw artys kepar hag ilow, dons ha drama hag yw gwrythys rag miroryon (po goslowysi h.e.). Dyffrans yw a artys gwelesek, an devnydh gans artydhyon a baynt, kewarghlen po devnydhyow dyffrans dhe wruthyl taklennow art fisegel po sevelyek. Artys-gwrythya a yssyns efander a daklow gwrythys, po performys, a-dherag tus yn fyw.

Two dancers leaping
Dons yw eghen a art-gwrythya hag yw gwrys dres an bys.

Yma drama, ilow, dons ha eghennow erel a wrythyansow yn pub gonisogeth. An istori a ilow ha dons a dhallathas yn osow kynsistorek ha sleynethow an cirk a dhallathas yn Hen Ejyp dhe'n lyha. Lies art-gwrythya yw performys yn halwesik. Gwrythyansow a yll bos yn drehevyansow a-burpos, kepar ha gwarijiow, chiow gwari kenys, gwarivaow ygor dhe'n ayr yn golyow ha war warivaow yn tyldys kepar hag y'n cirk.

Performyansow yn fyw a-dherag miroryon yw furv a dhidhan. An displegyans a sonskrifa ha gwydhyow a asas tus dhe brevi an artys-gwrythya yn privedh.

A artys-gwrythya a assay diskwedhes amovyansow hag omglewansow a'n awtour po a'n gwarier.

Eghennow erel a art-gwrythya yw hus, arethorieth, gwari popettys ha bardhonieth kewsys.