Erbysieth

Erbysieth yw an skiens sosyel a studh askorra, lesranna ha konsumya gwara ha gonisyow. Y hwra fogella war an fara hag ynterweythresow a vaynoryon erbysek ha fatel ober erbysyow.

An leur kenwertha a Geschanj Stockys Evrek Nowydh yn 1963.

Y styrir erbysieth avel an studhyans a danowder ha dewis hag yw yn selvenel a-dro dhe'n dewisyow gwrys gans tus. Dielvennans erbysek a yll bos usys dres kowethas, yn unn gomprehendya kerth, negys, arghansorieth, gwith yeghes, ynjynorieth ha governans. Gweythresys yw ynwedh dhe destennow diblans kepar ha drogober, adhyskans, an teylu, benelogorieth, lagha, filosofieth, politegieth, kryjyans, bresel, godhonieth ha'n kerghynnedh.

Korrerbysieth a wra dielvenna elvennow selvenel y'n erbys, y'ga mysk marghasow ha maynoryon unnik, aga ynterweythresow ha'n sewyansow a'ga ynterweythresow. Maynoryon unnik a yll yssynsi, rag ensampel, mayniow, kompanis, prenoryon ha gwerthoryon. Kowrerbysieth a wra dielvenna an erbys avel kevreyth le mayth ynterweythres askorrans, konsumyans, erbysyon ha kevarghewieth, keffrys hag elvennow a wra nasya an re ma: devnydh an asnowdhow a lavur, tir, chatel, hwythans mona kemmyn, tevyans erbysek ha polisi poblek.

Erbysysi a vri yn istori yw Adam Smith, Thomas Malthus, Karl Marx, John Maynard Keynes ha Milton Friedman.

Yma'n erthygel ma owth usya an Furv Skrifys Savonek a-barth Kernowek kres.

Onan a'n kans erthygel posekka war Wikipedya yw an erthygel ma.