Hornven (Sowsnek: hornfels) yw karrek dreusfurvek tommhes ha kaletthes gans omherdhyansow a garrygi tanek. An hanow Sowsnek a dheu dhyworth an Almaynek hornfels ow styrya 'kornven' drefen y vos mar gales. Karrygi tewl yw hornveyn, herwydh usadow, gans gwrysow munys. Ny yllir aga folsa a-hys plan.

Klass karrek dreusfurvek, chert Edit this on Wikidata
Commons page Restrennow kelmys war Gemmyn Wikimedia

Hornven yw gwrys a niver a vonyow dyffrans. Mika biotit yw pur gemmyn yn hornveyn, mes yn Kernow tredanven (tourmaline) yw moy kemmyn. Kevys yns i ogas dhe ranndiryow a ven growan (effeythys ens i gans omherdhyans an men growan). Pur dewl yw hornveyn hag a gomprehend tredanven, gans naswedhow munys a schorl (gwrysow tredanven). Arwodh yw hornven bos lod a sten pur ogas.