Ilulissat
Ilulissat (poblans 4,000) yw an tressa cita yn Greunlond herwydh poblans. Desedhys yw an drev hanter fordh a-bann arvor west an wlas, war lin dorles 69° north, 200 kilometer north a’n Kylgh Arktik. Aswonnys yw Ilulissat ynwedh gans y hanow Danek Jakobshavn (po Porth Jakob). Styr Ilulissat yn Greunlondek yw ‘An Menydhyow Rew. Ilulissat yw an drev bosekka yn Greunlond rag tornyasieth, drefen y vos ogas dhe Fyord Rew Ilulissat. Tyller genesigeth an hwithrer tiryow a vri Knud Rasmussen yw Ilulissat. Tre y yowynkneth yw gwithti a-dro dhodho ha’y vewnans lemmyn.
Sort | sita |
---|---|
Poblans | 4,737 |
Fondys | 1741 |
Geveldrev/ow | Fredericia, Fuglafjørður, Hafnarfjörður |
Doronieth | |
Konteth | Avannaata |
Gwlas | Greunlond |
Arenebedh | 11.25 km² |
Kesordnogyon | 69.22°N 51.1°W |
Kod post | 3952 |
Istori golegi
Gwikow Inuit re ekistyas yn ranndir an fyord rew a-dhia teyr mil bledhen po moy. Un termyn , trevesigeth esys Sermermiut dew gilometer dhe’n soth a Ilulissat o ynmysk an trevesigethow moyha yn Greunlond, gans 250 den. An drev arnowydh a veu fondys yn 1741 gans kannas eglos ha gwikor pelour.
Fyord rew Ilulissat golegi
Y res an fyord rew Ilulissat 40 kilometer a gappa rew Greunland dhe Vaya Disko, ogas dhe’n drev. An rewliv Jakobshavn Isbrae, an moyha askorrus yn Hanterkylgh an Ogledh, a fros 20-35 meter pub dydh dhe’n fyord. Sewyans hemma yw 20 bilvil tonnell a venydhyow rew ow terri dhe ves ha gasa an fyord pub bledhen. I a viaj dhe’n soth wosa henna, owth entra an Keynvor Iwerydh. Y leverir an menydh rew a skwattyas gorhel an Titanic dhe dhos dhyworth Fyord Rew Ilulissat.
Gwrys veu Fyord Rew Ilulissat Ertachva an Bys UNESCO yn 2004.
Treusporth golegi
Air Greenland a’n jeves servisyow ayr dhe Ilulissat.
-
Porth Ilulissat
-
Kota arvow Ilullissat
-
Fyord rew Ilulissat