Istori Art
Istori art yw studhya art der y dhisplegyans istorek hag y nasow: henn yw eghen, desin, furv ha gis. An studhyans a yssyns lymnansow, gravyansow, pennserneth, priweyth, mebel ha traow afinek erel. Istorior art yw nebonan a studh an istori a art.
An kynsa den dhe dhos ha bos istorior art o Giorgio Vasari, den a Florens dres an Dastinytheans pan esa lies artydhyon a vri yn fyw. Ev a erviras skrifa oll an hwedhlow yn Florens a-dro dhe'n lies artydh dyffrans. Ev a skrifas bewskrifow a artydhyon a Itali Gledh ynwedh. Ev a's dyllas yn 1568 yn lyver henwys Lives of the Artists (Bewnansow an Artydhyon). Drefen an lyver ma, yma meur a gedhlow kavadow dhe studhyoryon art y'n jydh hedhyw a-dro dhe artydhyon kepar ha Leonardo da Vinci, Michelangelo, Titian ha'ga art.
Yma'n erthygel ma owth usya an Furv Skrifys Savonek a-barth Kernowek kres.
|
Onan a'n kans erthygel posekka war Wikipedya yw an erthygel ma. |