Krib

Rag usyansow erel, y hweller Krib (Klerheans)

Krib yw toul densek rag kempenna po digamma gols. Usys veu kribow a-dhia osow kynsistorek. Diskudhys veu ensamplow dhyworth Iran dedhys dhe 3,000 KOK. Kribow a gonsist a welen ha dens warnedhi. Gwrys yns dhyworth niver a dhevnydhyow dyffrans, plastek, alkan po prenn yw an moyha kemmyn lemmyn, mes usys veu dans olifans po krogen kronek ervys y'n oos eus passyes. Aga shap po myns a greg war aga usyans.

Usys yw kribow rag lies porpos. Y'n termyn eus passyes, usys ens dhe synsi gols hir yn y le. Yn diwysyans, usys yns dhe dhiblansa fibrow koton dhyworth has ha taklow erel. Usys yns gans kresluyow dhe guntel samplow gols rag dustuni.

Krib Afro

Usys yw an eghen ma a grib war wols krullys tynn, po gis Afro. Dens hir pell a-les yw gnasow an krib ma.

Krib nedh

Yma dhe'n eghen ma a grib meur a dhens pur ogas dh'y gila. Henwys yw avel man-grib, hag hy a yll remova nedh po hwann dhyworth gols.

Ilow

Y hyllir gul sonyow dre ri paper dres krib ha hwytha dredho. Askorrys yw son hevelep dhe kazoo.

• 
  Krib blastek arnowydh
• 
  Lymnans gans Dante Gabriel Rossetti - Benen ow kribas hy gols
• 
  Kribow Afro
• 
  Krib dhyworth Ejyp a'n 15ves kansbledhen KOK
• 
  Krib nedh