Lien yw bagas a oberow art gwrys a eryow. An rann vrassa yw skrifys, mes re anedha yw hwedhlys der anow. Yma lies eghen a lien, yn aga mysk bardhonieth, gwariow ha romansow. Herwydh usadow, lien a styr oberow hag yw skrifys fest yn ta.

Leveryans: Lien
Gravyans yn Berlin a dhiskwedh das a lyvrow gans henwyn skriforyon Almaynek.
Gorheryow lyver koth yn lyverva

Ni a yll gorra lien yn bagasow dyffrans der aga yeth, oos, devedhyans, eghen ha testen. An ger lien a dheu dhyworth an ger Latinek "legendum", yn terowel "lego" a styr "redya". Kelmys yw dhe'n ger "lenna".

An kynsa lien o bardhonegow epyk, kepar ha Bewnans Gilgamesh. Ramayana ha Mahabharta, dew epygow Eyndek, yw redys y'n dydhyow ma.