Lynn ragrewlivel

Yn dororieth, lynn ragrewlivel yw lynn furvyes po drefen pennmarian dhe oberi avel arge pan wrello rewliv kildenna (hemm yw arge rew rewlivel), po drefen bos an tir ogas dhe lien rew iselhes gans poos an rew, ha'n pans a lenow gans dowr. Orth dhiwedh an Oos Rew diwettha nans yw a-dro dhe 10,000 bledhen, lynnyn bras ragrewlivel o gnas tipek yn hanterkylgh an gogledh.

Klass lynn naturel, lynn rewlivel Edit this on Wikidata
Commons page Restrennow kelmys war Gemmyn Wikimedia

Gwayans rewliv a yll mos war woles nans dhe gemper, le mayth yw avon direwys y'n nans aral. An rewliv a lett an avon ow kawsya lynn ragrewlivel. Wortiwedh an lynn a worliv po terri an arge rew, ow livra an dowr avel liv bras dres eghen henwys jökulhlaup (dhyworth y hanow Rewenysek). Niver a'n brassa livow rewlivel yn istori Amerika north o dhyworth Lynn Agassiz.

Lynn ragrewlivel a-rag Rewliv Mendenhall, Alaska
Lynn Viedma, Arghantina
Esplegyans lynnyn ragrewlivel yn Amerika north

Nans yw a-dro dhe 13,000 bledhen yn Amerika north, an lien rew Cordilleran eth dhe'n dyghow dhe'n 'Idaho Panhandle', ow furvya arge rew meur a lettyas aber an avon Clark Fork, hag a wrug lynn kowrek 2,000 tros-hys a dhownder ow komprehendya moy ages 500 mildir kubek a dhowr. Wortiwedh an lynn ma (Lynn Missoula) a dardhas dre'n arge rew, ow frosa dhe'n mor gans kevradh fros degweyth moy ages oll an avnow y'n bys war-barth.

██ Lien Rew Cordilleran

██ Efander moyha Lynn Missoula Rewlivel (est) ha Lynn Columbia Rewlivel (west)

██ Ranndiryow skubys gans an livow Missoula ha Columbia floods

Mappa a Lynnyn Agassiz ha Ojibway Rewlivel nans yw a-dro dhe 7900 bledhen

An vosen a sew yw rol a avonow a's tevo argeow rew.

Lynn/Avon Tyller Dedhyas Fros moyha (106 m3/s) Dustuni
Avon Kuray Altai, Russi Pleistocen Diwedhes 18 Baker et al., 1993
Lynn Missoula Statys Unys north-west Pleistocen Diwedhes 17 O'Connor and Baker, 1992
Lynn Darkhat Mongoli Pleistocen Diwedhes 4 Rudoy, 1998
Lynn Jassater Altai, Russi Pleistocen Diwedhes 2 Rudoy, 1998
Lynn Yaloman Altai, Russi Pleistocen Diwedhes 2 Rudoy, 1998
Lynn Ulymon Altai, Russi Pleistocen Diwedhes 1.9 Rudoy, 1998
Lynn Regina Saskatchewan. Kanada Pleistocen Diwedhes 0.8 Lord and Kehew, 1987
Avon Wabash Indiana, Statys Unys Pleistocen Diwedhes 0.27 Vaughn and Ash, 1983
Lynn Agassiz Statys Unys north-west Pleistocen Diwedhes 0.13 Matsch, 1983
Avon Porcupine Alaska, Statys Unys Pleistocen Diwedhes 0.13 Thorson, 1989
Fyord Russell Alaska, Statys Unys 1986 0.10 Mayo, 1989