Migorn

Migorn yw gwias junya hebleth kevys yn lies rann a'n korf. Ev a yll plegya nebes, mes sevel orth tenna.

Ensampel a	kesweyth korfoniethel
Klass	gwias junya
Rann a	set of cartilages
Restrennow kelmys war Gemmyn Wikimedia

Chif gweythres migorn yw dhe junya eskern warbarth. Kevys yw ynwedh y'n mellow, kloos dhivronn, skovarn, tron, briansen hag ynter eskern an keyn. Gweythres aral dhodho yw dhe wrythul tyller may hallo eskern tevi warnodho pan vons displegys yn kynsa. Migorn a weres difresa an tylleryow le may hwrello eskern ruttya an eyl erbyn y gila. Yn nebes puskes kepar ha morvleydhes ha karvleythow, migorn a furv oll an eskern korf.

Dihaval dhe wiasow junya erel, ny wra migorn komprehendya gwythiennow. Proviys yw goos dhe'n kellow dre terlesans. Hemm yw an skila may hwrello migorn tevi hag ewnhe lentta. Ny wra migorn komprehendya nervennow ynwedh, ytho mars yw damach kawsys, nyns eus payn. Byttegyns, yn fenowgh, terri migorn a styr bos damach kawsys dhe skennys po keher, gans meur a bayn.

Lies dises yw kawsys gans fowtow yn migorn. Onan a'n huni moyha kemmyn yw osteoarthritis, may hwisk an migorn mar danow dell wra askorn ruttya erbynn askorn. Migorn a ober avel lett, ow sevel orth entrans lymfocytes po terlesans immunoglobulins. Ytho leuvvedhygon a yll treusworra migorn dhyworth unn person dhe aral heb own a dhenaghans gwias.

Rannow

Gwrys yw migorn a gellow arbennik henwys chondroplasts a askor myns meur a vatriks a-ves an kellow. Gwrys yw an matriks a

1. fibrow collagen, fibrow elastin ha fibrow rosennys
2. stoff rych yn proteoblykan (protin kelmys dhe glykan.

• 
  Mell logosen ow tiskwedhes an migorn (yn rudhlas)
• 
  Korf eskern denel ow tiskwedhes migorn yn glas
• 
  Furvyansow war vesies, kemmyn gans osteoartritis
• 
  Morgi, pysk gans eskern korf gwrys a vigorn