Pop art yw movyans art arnowydh a dhisplegyas y'n 1950ow ha 1960ow. Gwrys veu gans an gravyer hag artydh albanek Eduardo Paolozzi yn Loundres, 1952. Andy Warhol, Robert Indiana hag Roy Lichtenstein yw ensamplow a artydhyon pop.

Ensampel a is grafek usys yn fenowgh gans Andy Warhol
b
Pows 'Pop Art' rag bagas popp The Supremes

Pop art a'n jeves themys ha teknegow kemerys dhyworth gonisogeth routh, kepar hag argemynnans ha lyvrow bondys delinys. Ev a us skeusennow a wonisogeth gwerinek yn le gonisogeth gorbryvylejek yn art.

Gwreydh golegi

Gwelys yw an Bagas Anserghogek (Sowsnek - Independent Group), fondys yn Loundres yn 1951 avel dalleth an movyans 'pop art'. [1][2] Kuntel a lymnoryon, gravyoryon, pennseri, skriforyon hag arvreusysi ens i esa ow chalenjya omdhalghow arnowydh dhe wonisogeth keffrys ha gwelyow hengovek a "art fin". Omgussulyansow an bagas a viras orth wonisogeth gwerinek kepar hag argemynnans routh, fylmow, delinya askorassow, bondys delinys, fugieth skiensek ha teknologieth.

Yn kuntelles kynsa an bagas yn 1952, Eduardo Paolozzi a wrug areth owth usya kevres a 'collages' titlys Bunk! ev dhe guntel dres y dermyn yn Paris ynter 1947–1949.[1][2] An collages a gonsistas a 'draow diskudhys' kepar hag argemynnans, tus dhyworth lyvrow bondys delinys, kudhlennow lyvrow-termyn ha grafigow routh-askorrys dhyworth gonisogeth gerys-da amerikanek. Onan a'n skeusennow y'n areth o collage Paolozzi a 1947, I was a Rich Man's Plaything, a gomprehendas us kynsa an ger 'pop'ow tiskwedhes yn komolen mog ow tos a wonn. [1][3] Wosa areth Paolozzi yn 1952, an bagas a fogellas war skeusennow gonisogeth gerys-da amerikanek, yn arbennek argemynnans routh. [4]

Methodys golegi

An artydhyon a usas fordhow jynnweythek a dhasskrifa po teknegow nag wra posleva leuv diskwedhek an artydh.

Artydhyon pop a vynna klerder pur. An brassa rann a formys a gomprehendas amal linen dhu kepar hag yn lyver bondys delinys.An taklow yw plen kepar ha skrisel heb gwel gemusur. An liwyow yw kler, akromatek ha sempel.

Yn collages ynyshes, chanjyes po dyghtys yw taklow bewnans pubdedhyek. Kevren yw pop art yntra gwirvos hag art, usys gans fordhow anvateryel. Nebes geryow rag aga deskrifa yw: gerys-da, konsumadow, a bris isel, hwarthus ha meur y vri.

Meur a 'pop art' yw akademek y nas ha kales y gonvedhes. Konsidrys yw bos pop art hag ispoyntegieth an movyansow arnowydh diwettha, hag ytho dallethoryon art wosa-arnowydh.

Artydhyon pop art a vri golegi

  • Peter Blake
  • Jim Dine
  • James Gill
  • Red Grooms
  • Richard Hamilton
  • Keith Haring
  • David Hockney
  • Robert Indiana
  • Jasper Johns
  • Roy Lichtenstein
  • John McHale
  • Claes Oldenburg
  • Julian Opie
  • Eduardo Paolozzi
  • Peter Phillips
  • Pietro Psaier
  • Robert Rauschenberg
  • Larry Rivers
  • James Rizzi
  • James Rosenquist
  • George Segal
  • Wayne Thiebaud
  • Andy Warhol
  • John Wesley
  • Tom Wesselmann

Devynnow golegi

  1. 1.0 1.1 1.2 Livingstone M. 1990. Pop Art: a continuing history. New York: Abrams.
  2. 2.0 2.1 Arnason H. 1968. History of modern art: painting, sculpture, architecture, New York: Abrams.
  3. "Tate Collection image: I was a Rich Man's Plaything". http://www.tate.org.uk/imap/imap2/pages/paolozzi.html. Pop Art
  4. Gopnik A. & Varnedoe K. 1990. High & low: modern art & popular culture. New York: Museum of Modern Art.