Sculptor (ranneves)

Sculptor yw ranneves aswonnys avel onan a'n 88 aswonnys gans an Unyans Steroniethek Keswlasek (IAU). Ranneves vyghan ha gwann yw y'n Hanterkylgh Dyghow. Hy a represent gravyer. Komendys veu an ranneves gans Nicolas Louis de Lacaille y'n 18ves kansvledhen gans an hanow gwreydhek l'Atelier du Sculpteur Apparatus Sculptoris (stevel an gravyer) mes berrhes o an hanow.

Ensampel a ranneves Edit this on Wikidata
Dydhyas diskudhans 1752 Edit this on Wikidata
Rann a Hanterkylgh Nevek an Dyghow Edit this on Wikidata
Commons page Restrennow kelmys war Gemmyn Wikimedia

R Sculptoris yw kowrsteren rudh kerghynnys gans troyllyow a stoffow estewlys nans yw a-dro dhe 1800 vledhen. Desedhys yw 1,440 ± 90 bledhen wolow a'n Norvys.

An ranneves a gomprehend Korrgalaksi Sculptor, rann a'n Bonni Leel, keffrys ha'n Bonni Sculptor, an nessa bonni dhe'n Bonni Leel. Galaksi Sculptor yw galaksi barrys troyllys ha'n brassa esel a'n bonni. Galaksi aral yn Sculptor yw an Galaksi Ros Kert, gans pellder a 500 milvil vledhen wolow. Sewyans yw a orunyans nans yw a-dro dhe 300 milvil vledhen. Yma dhodho golonnen a ster kottha melyn, ha kylgh a ster glas yowynkkha pella war ves gans treushys a 100,000 vledhen wolow.