Elven gymyk yw yterbiom, niver 70 y'n Vosen Beriodek. Y furvell yw Yb. An hanow a dheu dhyworth tre Ytterby yn Sweden. Yterbiom yw onan a beder elven henwys dhyworth an dre ma. Onan a'n elvennow dor-tanow po lanthanid yw. Nyns eus rann vewoniethel dhe'n elven. Serrys yw polter ha kesstoffow yterbiom dhe'n kroghen ha lagasow.

Ensampel a Elven gymyk Edit this on Wikidata
Furvell gymyk Yb edit this on wikidata
Dydhyas diskudhans 1878 Edit this on Wikidata
Niver atomek 70 Edit this on Wikidata
Elektronegedhegedh 1.1 Edit this on Wikidata
Rann a lanthanid, period 6 Edit this on Wikidata
Commons page Restrennow kelmys war Gemmyn Wikimedia

Enyshes veu yterbiom rag an kynsa prys yn 1878 gans an kymygydh a Swistir, Jean Charles Galissard de Marignac. Askorrys yw yterbiom dhyworth an moon monazit war-barth gans lanthanidow erel. Monow erel hag a gomprehend yterbiom yw euksenit ha gagarinit, henwys dhe enora Yuri Gagarin, an stervarner kynsa. An chif askororyon yw China, an Statys Unys ha Brasil, hag a wul a-dro dhe 50 tonnas a'n alkan an vledhen. Keworrys yw dhe grevhe dur dinam, rag gul klockow atomek pur gewar hag yn laserow.

Poos atomek yterbiom yw 173.04, y boynt teudhi yw 824°C ha'y boynt bryjyon yw 1193°C. Y dhosedh yw 6.97kg an liter. Alkan medhel gwynn-arghansek yw

Mirva golegi