Bewdeknologieth

Bewdeknologieth yw teknologieth a us organedhow byw. Bewdeknologieth yw usys dre vras yn ammeth, godhonieth boos, ha medhegneth. Yn bewdeknologieth, organedhow byw yw usys dhe wul kymygow hag askorrasow dhe les, po rag performya oberen dhiwysyansel.

Ensampel a	godhonieth ynterdestennek, godhonieth weythresek, diwysyans, dyskybeleth akademek, sort a deknologieth
Klass	teknegieth
Rann a	teknegieth, bywonieth
Restrennow kelmys war Gemmyn Wikimedia

Kresen hwithrans gwiasow plansow

System dogvennans jell hag a hwither kedhlow genynnek

Ensamplow

Ensampel a vewdeknologieth yw devnydh an dasoberans bragesi yn burm dhe wul korev ha diwosow lasek erel. Ensampel aral yw an devnydh a garbon dewoksid askorrys gans burm dhe weres drehevyans bara.

Usadow

Usys yw an ger bewdeknologieth dhe gampolla teknologieth ynjynorieth genynnek y'n 21ns kansvledhen. Byttegyns, an term yw usys rag lies fordh a janjya organedhow bewoniethel rag edhommow denses. Y tallathas gans treylvaow plansow teythyek dhe drevasow boos gwellheys dre dhewisyans kreftus ha krowsegyans. Bewynjynorieth yw an wodhonieth mayth yw selys pub ombrofyans bewdeknologiethel warnedhi. Gans displegyans fordhow nowydh ha teknegow arnowydh, diwysyansow bewdeknologieth hengovek re dhallathas gwellhe kwalita aga askorrasow ha moghhe askorruster aga systemow.

Possybyl yw klonya (an argerdh a dhewblekhe organedhow) drefen bewdeknologieth. Lies den a breder nag yw hemma ewn yn fas hag erel ow prederi y halsa assoylya lies dises. Y hyllir usya bewdeknologieth dhe assoylya lies kudyn kepar hag effeythadowder askorras ha lehe tommheans ollvysel.

Onan a'n mil erthygel posekka war Wikipedya yw an erthygel ma.