Bre'n Krowsow

Bre'n Krowsow
Sort	ker
Doronieth
Konteth	Šiauliai
Gwlas	Lithouani
A-ugh an mor	105 Meter
Kesordnogyon	56.01528°N 23.41667°E
	Restrennow kelmys war Wikimedia Kemmyn
	[edit on Wikidata]

Bre'n Krowsow (Lithuaniek: Kryžių kalnas Leveryans) ew teller pergherynses a-dro dhe 12 km dhe'n north a cita Šiauliai, en Lithuani North. E kryjir tus dhe settya an krowsow kensa war an vre (ker Jurgaičiai po Domantai kens) woja omsav 1831. Dres an bledhynnyow settyes veu krowsow, krowsbrennow, delow Gwerhes Ker Marya, kervyadow gwlaskaroryon, ha milyow a dhelow byghan ha pederow e'n teller ma gen pergherinyow Katholik. Anwodhvedhys ew an niver kompes a growsow, bes ema dismygrivow o 55,000 en 1990 ha 100,000 en 2006. Teller a vris rag pergherynses ew hwath.

Istori

Arwodh ew an teller ma a berthyans hebask pobel Lithuani en despit godrosow er aga fynn dres an kansvledhynnyow. En 1795 Lithuani a dheuth ha bos radn an Emperoureth Russek. Polakyon ha Lithuanians a rebellyas erbyn awtorita Russi en 1831 ha 1863. Na woya teyluow e'n lebma hworwedha korfow an rebels. Anjei a dhallathas derevel krowsow war an ker kens.

Niver a growsow
1800s	a-ugh 9,000
1900	130
1902	155
1922	50
1938	a-ugh 400
1961	distruys 5,000
1975	distruys 1,200
1990	adro dhe 55,000
2006	a-ugh 100,000

Men a skrifys gen geryow Pab John Paul II: Meur ras, Lithuanians, rag an vre krowsow ma may tustuni dhe genedhlow Europa a'n Norvys fedh a bobel an vro ma.

Woja anserghogeth en 1918, usys o Bre an Krowsow avel teller may halja Lithuanians pyji gen kres, gen aga gwlas ha'ga neskerens a ledhys dres an Breselyow Anserghogeth.

Dres an bledhennyow 1944–1990, pan sesyes veu Lithuani gen an Unyans Sovyetek usys o an vre gen Lithuanians dhe dhiskwedhes aga honanieth, ertach ha kryjyans gwir. An awtoritas Sovyetek a oberas dhe herdhya an krowsow a-ves (pekara assays en 1963 ha 1973).

War an 7ves Mis Gwydngala, 1993, Pab John Paul II a dheuth dhe weles Bre an Krowsow, yn udn lawl hy bos teller rag govenek, kres, kerenja ha sakrifis. En 2000 ygerys o ankarji Franciscan war an savla. En Mis Me 2013, Burjestra Ranndir Šiauliai a dhegemeras rewlys nowydh rag settya krowsow. Pobel a ell settya krows le es 3m a ughelder heb kummyas.

En Mis Kevardhu 2019, tournyas benow a China a worras a-ves krows settyes gen bagas pro-demokratieth Hong Kong. War Twitter hag Instagram hi a leveris, "Ema dhe nei gwres peth da hedhyw. Meur ew agan mabmvro." Menyster Tramor Lithuania Linas Linkevičius a dhampnyas gwrians an venen war Twitter. Ev a leveris y vos "ober vandalieth methus ha vil na yllir y berthi."

Mirva

Chapel
Pab John Paul II
Bre an Krowsow yn nos

Kevrednow

Ma an erthygel ma usya an Furv Skrifys Savonek a-barth Kernowek diwedhes.