Bresel bredereth

Bresel vredereth yw bresel a hwer yn-mysk dew vagas po moy yn unn genedhel. Kyn hwarvo breselyow bredereth rag lies acheson, yma dew acheson gemmyn.

An kynsa yw awos disakordyans a biw a dal gul maystri, po fatel dylir dyghtya'n genedhel. Mars eus partiow politek ow tisakordya a sewyans neb etholans, y hyll bos bresel avel sewyans mar ny yll po ny wrussa an dhew denewen dri akordyans war-barth.

An eyl yw drefen na vynn unn bagas a dus bos parth an genedhel namoy. Aswonnys yw honna avel bresel omdhiberth. Y hyll lies den yn neb ranndir dewis bos mynnas dhedha a anserghogeth dhe wul kenedhel aga honan. Y fia da dhe voghes lowr a ledyoryon kenedhlek daskor tir hag yw parth aga henedhel, ytho bresel a yll sewya.

Treweythyow ny vynn yn sur an dus a vynn omdhiberth furvya kenedhel flamm nowydh, mynnes yn y le moy a omrewl war vaters aga honan. Treweythyow y hwer hemma pan vo lies bagas ethnek dhe'n keth kenedhel.

Y hyll breselyow bredereth durya dres lies bledhen ha bos mar derrosus avel breselyow keswlasek. Breselyow bredereth a dheu ha bos komplek pur uskis. Breselyow bredereth a dhalleth martesen gans dew denewen, mes y hyll isbagasow omderri ha'n tenewennow nowydh omvatalya. Bagasow heb didheur wostalleth a yll omvyska yn es, hag i ow patalya dhe omdhifres rag an dhew denewen. Breselyow bredereth gans lies bagas war lies tu, an eyl ow patalya orth y gila, a hwarva kyns. Treweythyow y hweres kenedhlow tramor unn tenewen, po lies kenedhel, lies tenewen. Y hyll an studh ma bos bresel dre gannas.