Brij

Ensampel a	sport breus, gwari kartennow, bidding-based game
Klass	gwari towl, gwari kemeres trickow
	Restrennow kelmys war Gemmyn Wikimedia

Contract bridge, po yn sempel brij, yw gwari kartennow kemeres trickow rag dew gopel a warioryon, an eyl kopel erbynn y gila. Kesparow a esedh an eyl a-dal y gila orth bord. Yn gwariow enep dhe enep, myns bord yw 80-100mm pedrek. Yn kemmyn a-lemmyn kopelow a wari warlinen orth bord gowir.

Milvilyow a dus a wari brij a-dreus an bys yn klubys, kesstrifow, warlinen ha gans kowetha tre. Brij yn onan a'n gwariow kartennow moyha gerysda. Keffrysyans Brij an Bys yw an korf governa rag brij kesstrifek kesgwlasek.

An gwari a gonsist a niver a "deals" pan yw rennys an kartennow. Usys yw an termow 'deal', 'hand' ha 'board' yn keschanjadow yn lien brij. Leuv yw an 13 karten synsys gans unn gwarier, 'deal' yw an peder leuv dhyworth unn sett a 52 karten. 'Board' yw term yn brij diwblekkhe (Sowsnek: duplicate bridge) ow kampolla ranna. Yma peder gwedh dhe bub 'deal': ranna an kartennow, an strifwerth (po kynnik), gwari an kartennow, ha'n skorya. An brassa rann a wari klub ha kesstrif a wra devnydh a brij dewblekkhe, ma nag yw dasrynnys . An keth 'deals' yw gwariys gans pub bord po an brassa rann anedha. Hemm a wra gasa skorya kehelevus.

Istori

Istori a-varr brij

Gwari rag an Pewas Schwab, 1933. Orth an bord, a'n gledh: Ely Culbertson, Lady Doris Rhodes, breusydh Col. GGJ Walshe, Josephine Culbertson, 'Pops' Beasley

Gwariys yw brij gans an 52 karten standard yn peswar sewt. An gwari a dhisplegyas dhyworth hwist, gwari kothha a lower. Brij a dhisplegyas yn peswar kamm ynter 1890 ha 1930. An kammow a gomprehendyas 'bridge-whist' ha 'brij strifwerth', ha'n displegyansow a hwarva yn citys Evrek Nowydh ha Loundres dre vras. Nyns yw aswonnys prag yth yw gelwys brij.

Kevreyth gwari

Gwariys yw hwist gans an sewt trump dewisys dre happ, mes yn brij dewisys yw gans argerdh gelwys 'strifwerth' po 'kynnik (bidding).

Yn hwist, res yw dhe'n gwaynyoryon kavos an brassa rann a'n trickow (trick yw tro a beder karten), hemm yw seyth po moy a drickow. Byttegyns, yn brij, an gwarioryon a gynnik pubonan yn y dro dhe ervira pyth fydh an "contract" po kevambos. An kevambos yw ervirys gans an kynnik diwettha, hay y fydh yn onan a'n peswar sewt po yn "no trumps", heb sewt trump.

Rewlys an skorya ha'n argerdh kesstrifa a esplegyas dre gammow ynter 1890 ha 1930. Kynnigow war an nivel onan a ambos kemeres seyth trick po moy, war nivel seyth, kynnigow yns i dhe gemeres pubonan a'n 13 trick. An ambos isella yw "one club" (onan a'n mor du) ha'n ambos ughella yw seyth heb trump "seven no trumps".

An kevreyth skorya rag brij yw fest moy komplek ages an huni rag hwist. Ev a grog war po gwrys yw an ambos po na. Mar nag yw gwrys an ambos, an tu defendya a guntel poyntow spal. Mars yw gwrys an ambos, an tu omsettya a wayn poyntow. Harold S. Vanderbilt a warias rann alhwedhel orth desinya an kevreyth skorya, hag yn 1927 Klub Hwist Evrek Nowydh a dyllas rewlys an gwari. I ha Klub Portland a Loundres a dheuth an awtoritas a erviras war janjyow munys dhe'n rewlys wosa henna.

Gwari an kartennow yw dyffrans dhe hwist ynwedh. An tu a wayn an ambos a wari gans unn kespar (henwys 'deklarer') a wari an dhiw leuv. Y gespar yw termys "dummy", ha'n leuv na yw treylyes enep a-bann war an bord mayth yw gweladow dhe bub gwarier.

Brij dewblekkhe

Kepar ha lies tra aral y'n gwari, tybyans gwari diwblekkhe veu devisys rag hwist. Yn "whist drives" kesparow north/soth a esedhas yn keth tylleryow rag pub 'deal'. Kesparow est/west a wra gwaya a-bann kevres a vordow ha'n settow a gartennow a way yn-nans. An gwayans sempel veu devisys y'n 19ves kansvledhen. An gwari kynsa a hwist diwblekkhe veu restrys gans "Cavendish" yn Loundres yn 1857, gwariys awosa yn Chicago yn 1880, ha'n lyver kynsa a-dro dhodho skrifys gans John T. Mitchell yn 1891. An system yw henwys an System Mitchell lemmyn.

Argemmynnans y'n 1930ow

Contract bridge a dheuth onan a'n gwariow moyhagerys gans Ely Culbertson, gwarier amerikanek ha restrer. Gwariow yntra Pow Sows ha'n Statys Unys a gavas meur a argemynnans y'n paperyow nowydh, cinema ha radyo a 1930ow.

Ensampel a gevres kynnik

Boks kynnyk ow komprehendya pubonan a'n galowyow possybyl yn strifwerth

West	North	Est	Soth
Pass	1 Kolon	Pass	1 Pal
Pass	2 Adamant	Pass	3 Pal
Pass	4 Pal	Pass	Pass
Pass

Y'n ensampel war an dhyghow, West o an ranner ha kynsa dhe gynnik. An kynnik a avel diskwedhys gans Soth a dheuth an deklarer yn ambos 4 pal, drefen y vos an kynsa dhe gynnik palyow. Est/West a dheuth an difresysi ha West a dheu an kynsa dhe wari karten, North yw an dummy ha palyow an sewt trump.

Res yw dhe North/Soth kemeres deg trick, hwegh trick + an ambos war 4-nivel.

Ranna gans jynn

Dre vras brij yw gwari kowethasek gwariys yn klubys. Niver a vordow a wari an keth sett a gartennow, ytho possybyl yw dhe renka skorys kesparow. Gwrys yw ranna an kartennow gans jynn-amontya. Algorithm dre happ a sett an leuvow (settys an kartennow synsys gans pub gwarier). Junys yw an jynn-amontya dhe dhevis jynn-weythek a rann an kartennow. Gorrys ynsi dhe'n bordys synsi. Settys yw an bordys synsi war an bordow gwari.