Brith kernewek ha lostennow brith kernewek yw hengov arnowydh dallethys y'n 20ves kansvledhen a-varr ha kres. An losten vrith arnowydh kynsa o du plen, ha patronyow erel a sewas. Dogvennow a lever y hwiska pobel keltek a driga yn Breten Veur pows rudhek brith henwys bracca. An ger Kembrek brech a styr checkerys, hevelep dhe'n ger Albanek breac, ("brithennek"), ha'n ger bracca a dheu dhyworth an ger Kernewek brythen hag a styr an keth tra.

Brith kenedhlek Kernow
Penn form yn eglos Alternonn

Istorior kernewek L. C. R. Duncombe-Jewell a assayas previ bos lostennow plen usys yn Kernow. Ev a dhiskudhas kervyansow a venestrals a wiska lostennow ha gwari pibow sagh war bennow formys yn eglos Alternonn, dedhys 1510.[1] An dustini kynsa istorek rag an losten vrith gernewek yw dhyworth 1903, pan omdhiskwedhas Duncombe-Jewell gwiskys yn losten las avel an kannas kernewek dhe'n Kuntelles Keltek yn Caernarvon. John T. Koch yn y lyver Celtic Culture: A Historical Encyclopedia a gampoll losten dhu gwiskys gans Soudoryon Skav Duk Kernow yn batel, byttegyns nyns eus dustuni istorek dhe skoodhya hemma.

Brith kenedhlekChanjya

 
Shoppa brith kernewek yn Austol

Gwrys yn kynsa yn 1963, delinys veu an brith kenedhlek kernewek gans an bardh E. E. Morton Nance, noy Robert Morton Nance. Pub liw an brith a styr neppyth arbennek. An grows wynn war gilva dhu yw dhyworth baner Sen Peran.[2] Du hag owr o liwyow myghternedh Dumnonia, rudh rag garrow ha gelvyn edhen genedhlek Kernow, an balores, ha glas rag an mor a-derdro Kernow.[3] Kenwra an brith kenedhlek kernewek veu gwiskys rag an prys kynsa gans Morton-Nance y'n Kuntelles Keltek yn 1963, synsys yn Porth reb Tor, stag war vrith Clan Douglas. Kovskrifys veu an brith helghya kernewek y'n 1980ow.[4]

An re ma yw an brith kernewek kovskrifys gans an Awtorita Brith Albanek, hag ytho komprehendys yns y'n sel dherivadow a Govskriv Brith Albanek.

Brith kenedhlek
Imach Hanow Notennow
  Brith kenedhlek kernewek STA no. 1567
  Brith helghya kernewek STA no. 1568
  Brith baner Sen Peran STA no. 1618
  Brith gwisk Gool Peran STA no. 1685
  Brith Gool Peran STA no. 1262

Brith teyluChanjya

Gwrys veu nebes brith rag teyluyow kernewek ha kovskrifa yn termynyow arnowydh, r.e. rag demedhyansow ha kevewiow. An brassa rann a'n re a sew yw kovskrifys gans an Awtorita Brith Albanek po Kovskrif Brith Albanek an Bys hag ytho yw komprehendys y'n sel dherivadow a Govskriv Brith Albanek.

Brith teylu kernewek
Imach Teylu Notennow
  Christopher STA no. 2809
  Curnow STA no. 4084
  Jewell STA no. 7478
  Pascoe
  Pengelly STWR no. 3145
  Rosevear STA no. 2541

DevynnowChanjya

  1. "Sackpfeifen selbstgemacht" (yn de). Sackpfeifen.de. http://www.sackpfeifen.de/diy/kerts01.htm.
  2. "Tartan Details – Kernbrownek (Personal)". TartanRegister.gov.uk. The Scottish Register of Tartans. 16 April 2010. http://www.tartanregister.gov.uk/tartanDetails.aspx?ref=5662. Kyrghys 10 April 2010.
  3. "Cornish Tartan" from the tartan database of Kilts.com.
  4. "Tartan Fabrics Kilts Tartan Ribbon in Any Tartan Scottish". HouseOfTartan.com. http://www.houseoftartan.com.

Kevrennow a-vesChanjya