Bro Venetens (Frenkek: Vannetais, Bretonek: Bro-Gwened po Bro-Wened) yw onen a naw bro po epscobeth hengovek Breten Vian. Ma 222 kemmynieth (kumun po commune) i'n bro owth hedha a-dreus 5 649 km². Venetens o penncita hengovek an bro. An poblans in termyn nyveryans 1999 o 595 801 a dus. Th'era an bobel in est an bro ow clappya Gallowek, ha'n re in west Bretonek.

Baner Bro Venetens.
Desedhans Bro Venetens a-jy dhe Vreten Vian.

In termyn coth, hanow an bro era Bro Waroc’h. A-dhia dermyn an Domwhelans Frenkek, ma an département Mor Bian ow comprehendya an vroassa radn a'n bro. Ma radn vian anedhy hy in sothwest Il ha Gwilen, ha nebes kemmynieth in Penn an Bës hag Alsyow Arvor.

An erthygel-ma yw screfys yn Kernowek Standard.