Can an Pescador Kernûak

Can an Pescador Kernûak (Can an Pescador Kernowek) yw can scrifys gans Henry Jenner. Kenys yw en udn sewya ton an hymna The Pilgrim of the Night.

Geryow

Adro'n Lethosow ma an mor ow crîa,
Rag corfow tîs Carrek an Bleidh a wol;
Gwren môs en rag, dre weres Mab Marîa,
Dhô beryl mor ha carrek heb own ol.

Burdhen

Crîst, Mab Marîa, Steren an Mor,

Golsow ha gortheb pesadow pescador.

Crîst, tî elwas pescadoryon a'n kensa
War drêth Mor Galilêa dhô'th holya;
Ol agan gwaith haneth rag dha garensa
Dheso en lên offrenny ny a wra.

Burdhen

Crîst, Mab Marîa, Steren an Mor,

Golsow ha gortheb pesadow pescador.