Chinuk Wawa
Chinuk Wawa (CW) po Chinook Jargon yw yeth a Amerika north y'n ranndir Hebask North-west. Nyns usi lies pobel ow kewsel CW lemmyn, mes yth esa 160,000 a gowsoryon yn 1860. Yeth bijynhes yw. Yeth bijynhes yw yeth sempel rag kenwertha, amethi, helghya, hag erel. CW a's teves yethador sempel. Yma a-dro dhe eth kans ger ha a-dro dhe vil hwegh kans gwer-kopel gans styryans komparek yn CW.[1] Yeth enyshes yw. An brassa rann a'n gerva a dheu dhyworth an yeth Chinouk, mes a-dro dhe 15% a'y geryow a dheu dhyworth Frynkek. An yeth a us geryow chevisys a Sowsnek ynwedh. An tybyans yw dell dhisplegyas an yeth avel yeth genwertha kyns Europeanyon dhe dhos dhe'n ranndir. Kowsys yw avel yeth gynsa yn Oregon hwath. Yth esa dasserghyans y'n yeth wosa 2014 pan veu dyllys an lyver Chinuk Wawa—As Our Elders Teach Us to Speak It. CW re wrug chevisya an ger potlatch dhe Sowsnek.
'Alki' yw lavar kemmyn a Stat Washington y'n Statys Unys. 'Alki' (CW: 'Ałqi') yw "termyn a dheu" in Kernewek.
Ensamplow a CW:
CW: Ałqi nayka łatwa khupa makuk haws.
LT: [Dheu-merk] my a [le-merk] kenwerth chi.
KW: My a wra mos dhe'n gwerthji.
CW: Ukuk khiyutan miłayt khupa mayka
LT: [Omres-merk] margh esedha [le-merk] ty
KW: An margh na a esedh genes (Yma an margh na dhis).
CW: Wella yaka łush.
LT: Wella i da.
KW: Da yw Wella.