Doctor Who

Doctor Who yw towlenn pellwolok fugieth skiensel Predennek a veu gwruthys yn 1963 gans an BBC.

Doctor Who, 1963-1968

Doctor Who o gwrys rag fleghes y'n kynsa le, gans hwedhlow adhyskansel (istori ha skiens), mes yth yw meurgerys gans den a oesow oll. Moy a eth ha hanter kans towlenn re beu gwrys.

Yth yw hwedhel Arloedh-Termyn diworth an planet fugieth Gallifrey, henwys An Doktour hepken, neb a yll vyajya dre dermyn hag efanvos yn lester, henwys an TARDIS, hag a'n jeves toellwisk kist pellgowser kreslu gans mynsonieth aneuklydek (yth yw moy bras a-ji es yn-mes). TARDIS yw berrheans Time And Relative Dimension In Space (Termyn Ha Myns Kehevelus Yn Efanvos).

An Doktour a vyaj gans kowetha (tus diworth an Norvys dell yw usys) ha galloes bos genys arta, wosa mernans, gans korf ha personoleth nowydh.

Doctor Who yw meurgerys rag y ilow ha sonyow dramasek hag a veu gwruthys gans an BBC Radiophonic Workshop. Nyns o moy a arghans usys y'n gwrians; son TARDIS yw gwrys gans alwedh ha kordenn piano.

Gwarioryon re gwarias An Doktour yw:

1. William Hartnell (1963-1966)
2. Patrick Troughton (1966-1969)
3. Jon Pertwee (1970-1974)
4. Tom Baker (1974-1981)
5. Peter Davison (1982-1984)
6. Colin Baker (1984-1986)
7. Sylvester McCoy (1987-1989)
8. Paul Mcgann (1996)
9. Christopher Eccleston (2005)
10. David Tennant (2005-2010)
11. Matt Smith (2010-2013)
12. Peter Capaldi (2014-2017)
13. Jodie Whittaker (2018- lemmyn)