Dowrgleudh Tavistock

Dowrgleudh yn Dewnens, Pow Sows yw an Dowrgleudh Tavistock. Byldyes veu y’n 19ves kansvledhen dhe junya’n dre yn Tavistock gans Kay Morwellham war an Dowr Tamar, le may feu karg kergys yn gorholyon. Y’n jydh hedhyw an dowrgleudh yw devnydhyes dhe brovia dowr rag an dredanva hydro-tredanek dhe Gay Morwellham. Rann a Ertachva an Bys Tirwedh Balweyth Kernow ha Dewnens West yw an dowrgleudh.

Pons a-ugh dhe'n dowrgleudh dhe Vargen Tir Crowndale.

Dowrgleudh Tavistock ow tiberth an dre ha'n pons lesk y'n pelder.

Dihaval orth dowrgleudhyow erel, yma leder voghes dhe’n Dowrgleudh Tavistock dre’y hirder a styr bos fros mynsek a dhowr.

Hyns an Dowrgleudh.

An dowrgleudh a dhalleth dhe Abbey Weir yn Tavistock, le mayth yw dowr kemerys dhyworth an Dowr Tavy. An dowrgleudh a dremen an porthvaow yn Tavistock hag entra park an dre, the Meadows. Hyns an dowrgleudh a rabal dhe’n run yn Crowndale Woods kyns ev dhe bassya Corwndale Farm; leverys yw bos an bargen tir-ma tyller genesigeth Syr Francis Drake. An dowrgleudh a dremen yn-dann bonsfordh hyns-horn Lumburn hag ev ow trehedhes kammas horn margh dhe Nans an Dowr Lumburn, hag yw treusys gans pons dowr ha tommen ughel. An skorren dhe Mill Hill a dreyl dhe’n dyghow a-dhesempis wosa’n pons, mes y'n jydh hedhyw lettyes yw an skorren ha nyns eus dowr ynni. Wosa 3 mildir (4.8 kilometer) penn-hyns an dowrgleudh a dhrehedh portal a-gledhbarth an gowfordh Morwell Down. 1.5 mildir (2.4 kilometer) yw an gowfordh a dheu yn-mes a-ugh dhe'n kay dhe Morwellham. Rann verr a dhowrgleudh wosa’n gowfordh a dhros skathow dhe dopp goleder an hyns-horn.