Dromadidae
| Tollek an kankres Dromas ardeola | |
|---|---|
| |
| Tollek an kankres | |
| Klassans bewoniethek | |
| Gwlaskor: | |
| Fylum: | |
| Klass: | |
| Urdh: | Charadriiformes
|
| Teylu: | Dromadidae
|
| Kinda: | Dromas (Paykull, 1805)
|
| Ehen: | D.ardeola
|
| |
| Gwrandrans tollek an kankres Gwyrdh - ow maga Glas - heb maga | |
Tollek an kankres (Kembrek - rhedwr crancod, Sowsnek - crab plover) ew edhen e'n teylu Dromadidae. Ankler ew y golm goos dhe remenat an urdh Charadriiformes, drefen bos nebes ow lawl y vos ogas dhe'n mengelvinigow, hag erel ow lawl y vos nessa dhe'n golanes. Ev ew an udnik ehen e'n kinda Dromas. Dibarow ew emesk ydhyn hirgam drefen ev dhe usya tobmder an nor rag gweres gori an oyow.
Haval ew an edhen ma ort tollek, bes gen garrow hir loos ha pig krev, poos du haval ort skaraw. Y big ew dibarow emesk ydhyn hirgam ha perfydh rag debri kankres. Ydhyn trosek enjei. Trigys enjei war alsyow Mor Bras Eynda. Kowethajek enjei, kevys en bagasow meur, en arbednek boregweyth ha tewlwolow. Ma anjei ow neythi en tollow war lannow tewesek. An seson dinythi ew tredh mis Ebrel ha Gorefan. Trigys enjei en bagasow meur a 1,500 a ydhyn ha moy. Ma anjei ow tedhwi udn oy (terweythyow dew), hag ew meur komparys dhe vyns an korf. Tempredh toll an neyth ew perfydh drefen tobmder an howl, ha'n kerens a ell gara an neyth heb bos attendys hedra 50 our. Na ell an ydhnigow kerdhes a'n neyth rag nebes dedhyow woja gori. Woja pluvya, ma dhe anjei termyn hir a witha gen an kerens. Ma ha'n gorow ha'n venow ow kwitha war an ydhnigow.
Ma an erthygel ma usya an Furv Skrifys Savonek a-barth Kernowek diwedhes.