Elaine Morgan
Elaine Morgan OBE, FRSL (7 Du 1920 – 12 Gortheren 2013), o skrifores kembrek rag an pellwolok hag awtour niver a lyvrow a-dro dhe anthropolegieth esplegyansel, yn arbennik tybyans an apa dowrek. Avonsys an tybyans gensi avel ken dewis dhe dybyansow a ros skwirglassansow reydh ha drefen hemma, na gemeras attendyans lowr dhe rann benenes yn esplegyans denel. 'The Descent of Woman', dyllys yn 1972, a werthas yn ta a-derdro'n bys, treylyes dhe dheg yeth. Yn 2016, henwys veu avel onan a'n "gwella 50 den po benen kembrek bythkweth".
| Elaine Morgan | |
|---|---|
 | |
| Genys |
7 Du 1920  |
| Mernans |
12 Gortheren 2013 Aberpennar |
| Parti Politek |
Communist Party of Great Britain, Parti Lavur |
| Pewasow |
Sodhek Ordyr Emperoureth Vretennek, Fellow of the Royal Society of Literature |
| Eseleth |
Royal Society of Literature |
Genys veu Elaine Floyd ha maga yn Trehopcyn, ogas dhe Bontypridd, yn Kembra. Hy thas o glowor. Hi a driga lies bledhen bys dhe'y mernans yn Aberpennar, ogas dhe Aberdâr. Hi a radhyas a Lady Margaret Hall, Rysoghen, gans gradh yn Sowsnek. Hi a dhemedhas Morien Morgan, veteran a Vresel Vredereth Spayn a verwis yn 1997. I a gavas tri mab, an kottha Dylan Morgan, awgrymer ha fisegydh.
18 Meurth 2022 imach anedhi gans Emma Rodgers a veu settys dhe ves a Gresen Medhegel Tŷ Calon Lân yn Aberpennar, Rhondda Cynon Taf, avel rann a ragdres Monumental Welsh Women.