Galwesigeth yegheswith unys

Galwesigeth yegheswith unys yw an hanow res dhe niver a alwesigethow yegheswith a brof res a servisyow diagnosek, teknegel, dyghtyansek, ha skoodhyans ow tochya yegheswith, hag yth yw dyffrans dhe barkyow medhegneth dens, medhegneth, methya ha farmassy.

An galwesigethow a gomprehend:

• Therapydhyon Lymnans - usys dhe hwithra materyow kepar ha kaletterow emocyonal po evredhderow dyski.
• Therapydhyon Drama - usys yw gwari rann, movyans ha lenna hwedhlow avel mayn rag therapi bresek.
• Therapydhyon Ilow - usys yn awenus dhe weres usyoryon an servis dhe fasya kaletterowsocyal, emocynal po fisegel.
• Podiatrydhyon - aga hwans yw dhe ymkressya anserghogeth tus der weres gwellhe aga gwayadowder.
• Dietegydhyon - i a dhiagnos, musura ha dyghtya materyow diet ha megyans dre avonsya omwodhvos yeghes.
• Therapydhyon galwansus - i a vusur ha dyghtya tus usi owth omdowl hwelyow pub dydh drefen kaletterow yeghes breus ha fisegel.
• Gweythoryon Asran Leuvvedhegneth - an re ma a ober dell yw usys yn leuvvedhegva ryb leuvvedhogyon, anesthegydhyon hag erel.
• Orthoptydhyon - Orthoptydhyon a dhiagnos ha dyghtya kudynnow hag a effeyth fatel wra kesweythyow an lagas displegya.
• Osteopathys - Osteopathys a vusur, diskudha ha dyghtya tus dre waya, tenna ha leuvdosa keherow ha mellow.
• Paramedhogyon - Paramedhek a brof dyghtyans avonsys yn gweythyow goredhom medhegel ha studhyow traumatek.
• Prosthetydhyon hag Orthotydhyon - Prosthetydhyon hag orthotydhyon a ober dhe dreusfurvya bewnans usyoryon servis ha gwellhe aga gallos dhe waya yn frank.
• Fysiotherapydhyon - Towl fysiotherapydh yw astiveri po gwellhe gwayans ha gweythres pan wrello den kavos shyndyans.
• Therapydh kowsans ha yeth - I a brof skoodhyans gans kewsel, yeth, lev, keskows, dybri, eva ha lenki.
• Radyografyor diagnostek - Radyografyor diagnostek a wra devnydh a deknologieth dhe vires a-ji dhe gorfow usyoryon servis rag konvedhes kaws an kleves.
• Radyografyor dyghtyansek - Radyografyor dyghtyansek yw den galwesik a wra devnydh a radyodyghtyans rag diagnosa ga gwitha usyoryon servis neb a wodhev kanker.

• 
  Dyghtyans lymnans
• 
  Dyghtyans drama
• 
  Dyghtyans ilow
• 
  Poditrydh owth oberi
• 
  Therapydh galwansus
• 
  Gweythyor Asran Levvedhegneth owth oberi
• 
  Orthoptydh ow previa golok perthyans
• 
  Paramedhogyon
• 
  Prosthetydh
• 
  Kresen fysiotherapi
• 
  Radyografyor