Greun an Jowl

Greun an Jowl
Greun an Jowl (Dioscorea communis)
Klassans bewoniethek
Gwlaskor:	Plantae
(anrenkys):	Angiosperms
(anrenkys):	Monocots
Urdh:	Dioscoreales
Teylu:	Dioscoreaceae
Kinda:	Dioscorea
Hanow dewhenwek
Dioscorea communis Linneaus

Greun an Jowl po Dioscorea communis yw eghen a blans bleujennek y'n teylu yam. Y hanow Sowsnek yw black bryony.

Deskrivans

Plans krambla yw, ow tevi dhe ughelder a 2 - 4 meter gans garrow a dreyl yn korthnaswedhek. An del a's teves shap kolon ha'n bleujyow yw anhewel ha skyllwer. An frothen yw moren rudh splann, 1 cm yn treuslinen. An geleren yw gwenonek.

Gwandrans

Teythyek yw greun an Jowl dhe Europa soth ha kres, Afrika north-west hag Asi west.

Bewva

Plans tipek dhe leur an goswik yw greun an Jowl, a'n mor dhe'n menydhyow, dell yw usys yn gwedhegi tew, mes treweythyow yn prasow ha keow.

Usyow

Gwenonek yw pub rann a'n plans drefen saponin. Greun an Jowl re beu usys avel powltys rag brewyon ha fagel a'n mellow, mes res yw y usya gans rach awos ev dhe gawsya gwenennow.

• 
  Eginow greun an Jowl
• 
  An del
• 
  Frooth ha has
• 
  Golok ogas a'n frooth