Gwithti Baituna al-Talhami
Gwithti Baituna al-Talhami (Arabek متحف بيتنا التلحمي) po Gwithti Gonisogethel Bethlem yw onan a'n gwithtiow moyha y'n tiredhow palestinek. Desdhys yw yn Bethlem, war Stret Steren, ogas dhe Stret Pab Paul VI.
| Sort |
gwithti, gwithti chi istorek  |
|---|---|
| Ygeryans sodhogel |
1972 |
| Fondys |
1972 |
| Doronieth | |
| Konteth |
Bethlem |
| Gwlas |
Palestin |
| Kesordnogyon |
31.70474°N 35.20506°E |
 | |
Fondys veu yn kwreydhek gans Julia Dadoub ha'n Kesunyans benenes arabek yn 1948 avel kresen rag fowesigyon palestinek ow fia aga gwigow. An fowesigyon a allsa askorra gwiskasow ha brosweyth hengovek rag gober ena. An Kesunyans a fondyas an gwithti yn 1979. Ev a gomprehend dew ji a bennserneth palestinek tipek, gans kegin astiverys, stevel diwan, chambour ha leur ughella po illeyeh. Dalghow an gwithti a gomprehend kuntel a daklow chi hengovek palesteynek argevrys gans teyluyow Bethlem.
Yn 1984, efanys veu an gwithti dhe gomprehendya chi koth yn ogas re beu astiverys. An chi nowydh ma, herwydh Julia Dabdoub, "yw onan a'n nebes treven koth gesys yn Bethlem, hevelep dhe'n chi may feu genys Yesu Krist." Yn 1992, Dabdoub a argevras hy huntel dew ugans bledhen a skeusennow, mebel hag oberow art dhe afina an stevel ughella po al-Illiye hag a dhiskwedh bewnans trigoryon Bethlem ynter 1900 ha 1932.
Kynth yw oberys Baituna al-Talhami avel gwithti, fowesigyon yw arvethys hwath, ha synsys yw golyow hag a wra solempnya artydhyon, prydydhyon ha skriforyon palestinek ena.