Hyns-horn Mengleudh Pennlegh

Hyns-horn diwysyansek kledhrennow kul 2 tros-hys (610 mm) o an Hyns-horn Mengleudh Pennlegh a servyas an Mengleudh Pennlegh yn Lulynn, Kernow. An hyns-horn mogha west yn Kernow hag onan a'n hensi-horn diwysyansek kledhrennow kul y'n Ruwvaneth Unys o va.

An Mengleudh Pennlegh dhyworth Pennsans.

Istori

Kay an Soth, Porth Lulynn. Benn an Hyns-horn Mengleudh Pennlegh.

An hyns-horn veu drehevys yn 1900 dhe junya an mengleudh gans kay soth an porth yn Lulynn, hanter mildir (0.8 km) dhe-ves. Jynn-ethen hyns-horn veu prenys dhyworth an kompani Köppel yn Almayn dhe bonya war an linen, esa eylworrys gans jynnow-motor y'n 1930ow.

Serth o an hyns-horn saw unn gornel war kay an soth yn Lulynn. Dew-gledhren o brassa rann an linen hag yth esa res dhe'n kompani devnydhya hwegh jynn dhe oberi an hyns-horn: peswar war an penn-hyns-horn ha dew rag ober-shuntya.

Deges veu an hyns-horn yn 1973 hag ev veu eylworrys gans kevreyth karyor tredanek war an unn hyns. An mengleudh veu deges yn 1989/1990.

Gwelewgh ynwedh

Kledhrennow kul

Rol a hensi-horn yn Kernow