Jantar Mantar
Jantar Mantar yw Ertachva an Bys UNESCO yn Jaipur, Eynda. Kuntel yw a 19 daffar steroniethel drehevys gans an myghtern Rajput, Sawai Jai Singh II, fondyer cita Jaipur. Kowlrwys veu yn 1734. Y’n tyller ma yma euryor howl moyha an bys. Wosa damach y’n 19ves kansvledhen, daswrys veu an tyller yn 1902 gans an Raj bretennek.
| Restren:Jantar Mantar at Jaipur.jpg, Astronomical Instrument.jpg | |
| Sort |
mirji, collection  |
|---|---|
| Fondys |
18 century |
| Doronieth | |
| Tyller |
City Palace |
| Konteth |
Jaipur |
| Gwlas |
Eynda |
| Arenebedh |
1.8652 ha, 14.6664 ha |
| Kesordnogyon |
26.9247°N 75.825°E |
 | |
| Studh ertach |
Ertachva an Bys UNESCO, Kovep Gwithys Kenedhlek |
| Manylion | |
An hanow Jantar Mantar a dheu dhyworth an Sanskrytek, ow styrya jynn amontya. Porpas an daffar o dhe vusura termyn, dargana difygyow, sewya tylleryow ster posek y’n ebron, amontya deklynyansow an planetow ha musura ughelderow nevek ha’ga efemerysys.
An daffar golegi
An 19 daffar yw:
- Chakra Yantra (haval yw hemma dhe beswar klock yn peswar tyller a-dro dhe’n bys - Greenwich ogas dhe Loundres, Zurich yn Swistir, Notke yn Nihon ha Saitchen y’n Keynvor Hebask)
- Dakshin Bhitti Yantra (hemm a vusur hanterdydh, ughelder hag anterth korfow an ebron)
- Digamsha Yantra (koloven yn kres dew gylgh, usys dhe vusura azimuth an howl hag amontya termyn howldrehevel hag howlsedhes)
- Disha Yantra
- Dhruva Darshak Pattika (mires orth ha kavos tyller steren an North)
- Jai Prakash Yantra (diw euryor howl gans shap skudel)
- Kapali Yantra (yma’n daffar ma ow musura kesordenogyon korfow an ebron yn systemow azimuth ha kehysydhek)
- Kanali Yantra
- Kranti Vritta Yantra (an daffar a vusur dorhys ha dorles korfow an ebron)
- Laghu Samrat Yantra (an euryor howl leha y’n tyller)
- Misra Yantra (an hanow a styr daffar kemysk, kuntel yw a bymp daffar diblans)
- Nadi Valaya Yantra (diw euryor howl war dhew du an daffar – rag hanter-bysow north ha soth) Ev a yll musura termyn gans kewerder a le ages mynysen.
- Palbha Yantra
- Rama Yantra (drehevyans usys dhe vusura ughelder hag azimuth an howl)
- Rashi Valaya Yantra (12 rivell euryor howl dhe vusura kesordenogyon ster, planetow ha 12 ranneves)
- Shastansh Yantra (Daffar yn stevel dowl gans toll pyn y’n fos. Skeusen an howl a godh war radhva pub hanter-dydh dhe vusura kedhlow a-dro dhe’n howl)
- Unnatamsa Yantra
- Vrihat Samrat Yantra (Euryor howl moyha an bys. Ev a yll musura termyn gans kewerder a le ages diw eylen.)
- Yantra Raj Yantra (Astrolab brons 2.43 meter a-dreus, onan a’n moyha y’n bys, hag a wra amontya an kalender Hindiek)
-
Rashi Valaya_Yantra -
Tempel Bhairav – desedhys y’n keth tyller -
Jantar Mantar a wra devnydh a dri kevreyth kesordenogyon a aswonnys y’n osow koth. Y’n skeusen, rudh yw an kevreyth ekliptik ha glas an kevreyth kehysedhek -
Laghu Samrat Yantra -
Jai Prakash Yantra -
Flour mires an Vrihat Samrat Yantra
