Jodrell Bank

Ertachva an Bys UNESCO yw Mirji Jodrell Bank, dyghtys gans Pennskol Manchester, mes desedhys yn Konteth Cheshire, Ruvaneth Unys. Kuntel yw a bellweloryow radyo, ha rann yw a Gresen Jodrell Bank rag Sterfysegieth yn Pennskol Manchester. Fondys veu yn 1945 gans Bernard Lovell, steronydh radyo, rag hwithra dewynnow kosmik. Wosa henna, pur bosek veu an mirji rag hwithrans yn parkow meyn kowas, kwasarow, pulsarow, maserow ha lensow gravedhek. Pan dhallathas an Oos Efanvos yn 1957, posek veu an mirji rag helerghi tavellow efanvos. Apoyntys veu avel Ertachva an Bys UNESCO yn 2019.

Jodrell Bank

Sort	mirji steroniethel
Henwys dhyworth	William Jauderell
Ygeryans sodhogel	1945
Doronieth
Konteth	Cheshire
Gwlas	Ruvaneth Unys
Arenebedh	17.38 ha, 18,569.22 ha
A-ugh an mor	77 Meter
Kesordnogyon	53.2363°N 2.3071°W
Menystrys gans	Pennskol Manchester
Perghenogeth	Kresen Jodrell Bank rag Sterfysegieth
Studh ertach	Ertachva an Bys UNESCO
Manylion
Restrennow kelmys war Wikimedia Kemmyn

Pellweloryow

Chif pellweler an mirji yw Pellweler Lovell, drehevys yn 1957. Y dreuslinen yw 250 tros-hys (76m), an tressa moyha y’n Bys. Yma tri fellweler aral y’n mirji, an Mark II (treuslinen 125 tros-hys (39m)), ha dew bellweller byghan gans treuslinennow a 13m ha 7m. Pennplas rag MERLIN (Multi-Element Radio Linked Interferometer Network) yw Jodrell Bank. Junys yw an pellweler Lovell dhe erel dhe furvya mellyansell. Jodrell Bank yw rann a’n rosweyth VLBI (Very Long Baseline Interferometry) ynwedh, pan wra pellweloryow a-dreus Europa omjunya.

An Kuntel Kilometer Pedrek

Yn 2011, dewisys veu Jodrell Bank avel pennplas SKA (Square Kilometre Array – Kuntel Kilometer Pedrek). Hemm a vydh an pellweler radyo moyha gallosek nevra wosa y dhrevevyans yn Ostrali hag Afrika Dyghow.

Tornyaseth

Ygerys veu kresen wodriga ena yn 1971, hag a denn dres 100,000 a wodrigoryon pub bledhen. Ynni, yma diskwedhyansow a-dro dhe steronieth ha’n efanvos, bosti ha lowarthow.

• 
  An arbrovow kynsa yn Jodrell Bank yn 1945
• 
  An pellweler Lovell
• 
  An pellweler Mark II
• 
  Pennplas an Kuntel Kilometer Pedrek
• 
  Mappa a bellweloryow Kuntel MERLIN
• 
  An Gresen Wodriga