William John Page, (19 Hedra 1913 - 19 Me 1985), aswonys avel Jowan Page o skrifer Kernewek.

Wosa omdenna a'y soodh avel treylyas a-ji Kowethas an Kenedhlow Unys, Jowan Page ha'y wreg a dheuth ha triga yn Fowydh. Ena i a weresa y'n Skol Golya. Neb prys ev a glewas son Kernewek kewsys pan esa ow vysytya Fogo Karnglas. Prest yth erviras studhya an yeth ha mar lymm ova a'y skians yn yethow may sewenas y'n apposyans an tressa gradh kyns penn diwvledhen wosa ev dhe dhalleth. Ev a veu degemerys yn mysk Berdh Gorsedh Kernow yn 1974 gans an hanow bardhek Gwas Kenethlow.

Skoodhya a wre-va an yeth gans nell ha mos ha bos Skrifynyas Kesva an Taves Kernewek yn 1978. Ev a gewsi war an radyo yn kever Kernewek ha dyllo skrifennow keffrys rag an paperyow nowodhow ha lyvrigow termyn. Dewisys veu yn esel Konsel an Orsedh ha'y soodh o skoodhya Baner an Orsedh. Moy es unnweyth ev eth dhe Gembra avel kannas an Orsedh. Soweth, kleves a'n kemeras, ha res o dhodho omdenna a'y oberyow ha mos tramor rag may kaffa powes ha kewer well yn 1980. I a besyas ena bys yn 1984 hag y'n prys na dehwelys ens dhe Logsulyan.

Kynth o ev yethor skiansek, ow kewsel Kembrek, Frynkek hag Arabek yn mysk tavosow erel, nyns o segh yn fordh y dhyskans.

Ev a gernewekhas unn awayl ha pennskrifa "Dzhuan Tshei an Hor" yn 1982. Y tyllas ev niver a hwedhlow berr ynwedh. Y lyver Whethlow Noweth ha Coth a veu dyllys yn Kernewek Unys y'n kynsa le yn 1977, hag ena yn Kernewek Kemmyn yn 1991 ha 1996. An peswora dyllans yn Furv Skrifys Savonek (Kres) yn 2012 a gomprehendyas cidi.

Porth Kernow – Tre rag folennow ha klassys Wikipedya a-dro dhe Gernow.