Kelly Fraser
Kelly Fraser (8 Mis Est, 1993 – 24 Mis Kevardhu, 2019) o kaner ha skrifer kanow pop Inuk a Ganada. Henwys o hy nessa huntilow, Sedna, dhe Guntilow Ilow Genesik an Vledhen y'n Pewasow Juno yn 2018.
| Kelly Fraser | |
|---|---|
| Genys |
8 Est 1993  Sanikiluaq |
| Mernans |
25 Kevardhu 2019 Winnipeg |
| Kenedhlogeth |
 Kanada |
| Galwesigeth |
kaner-kanskrifer, treylyer |
| Gis |
ilow popp |
| Gwiasva |
https://www.kellyfrasermusic.com/ |
Bywskrif golegi
Genys yn Igloolik, Fraser a vovyas gans hy theylu pan o hi yowynk dhe Sanikiluaq, Nunavut. Dyskys veu yn Nunavut Sivuniksavut (kolji yonkoryon Inuit) yn Ottawa kyns kowlwul steus studhyansow genesik yn Nicola Valley Institute of Technology yn Kolumbi Bredennek.
Fraser a dheuth ha bos a vri y'n kynsa le yn 2013 gans niver a versyons kanow pop y'n yeth Inuktitut war YouTube, yn arbennik "Diamonds" gans Rihanna. Dyllys veu hy huntilow kynsa, Isuma, yn 2014. Kenys yw hy hanow y'n yethow Inuktitut ha Sowsnek, ha kesunya pop arnowydh ha sonyow Inuit hengovek. Fraser a vynsa ranna ertach Inuit gans goslowysi ollvysel, ha sevel warneth a vaters ha gwiryow Inuit. Hi a usyas hemma yn hy ilow. Hy askorrer a leveris hi dhe oberi war kuntilow aral, henwys Decolonize, pan verwis hi; y hwarva routh-arghasans rag an kuntilow orth an prys na.
Fraser a omladhas tre yn Winnipeg, Manitoba, an 24a mis Kevardhu, 2019. Herwydh hy theylu, hi a wodhavsa "traumas yn hy flogholeth, hilgasieth ha cybergormesi parghus". Synsys o golyow golow kantol dhe'y hov yn The Forks war 4a mis Genver ha'n Nicola Valley Institute of Technology yn Merritt, BC.
Plasenskrif golegi
Isuma golegi
Rekordys o kuntilow kynsa Fraser gans hy howetha a Sanikiluaq, ha dyllys o yn Mis Metheven 2014. I a syns seyth kan gwreydhek ha tri versyon a ganow gans pobel erel. Styr an titel yw 'prederi'.
Sedna golegi
Dyllys o Sedna war 25es mis Hwevrer 2017, gans label Hitmakerz a Nunavut. Hanow duwes an mor yw an titel, po ᓄᓕᐊᔪᒃ (Nuliaju) yn Inuktitut. Yn medh Fraser, "Amkan an kuntilow yw gweres yaghe an re hag a wodhevel effeythyow trevesigeth, kepar ha tebel-effeythyow skolyow anedhel ha dastesedhans herdhys. Res yw dhe artydhyon Inuit kewsel yn dhistowgh dhe'n re dhe vos nasys gans an termyn eus passyes."
An kuntilow a syns an gan 'Fight for the Right', dyllys avel rann a'n kaskyrgh 'na' y'n raglev tir burjesedhik Nunavut yn 2016.
Kanow golegi
Kevrennow a-ves golegi
Yma'n erthygel ma owth usya an Furv Skrifys Savonek a-barth Kernowek kres.