Keskows:Lien Kernowek

Martesen gwell via gorra [[ ]] a-dro dhe bup hanow skrifer, ha martesen war pub linenn ynwedh. Nyns ov sur, mes ny wren skrifa erthyglow y'ga hever oll yn skon, dell ov sur - yma re dhe skrifa ragon ni beswar (po on ni pymp lemmyn?) a-dro dhe 'Scýens genyjyk' ha 'Scýens Omrýes' (pyth YW henna? 'Science of Surrendering'? *** ) ha materyow poesek a'n par na.
Kyn fia koynt gweles erthygel yn kever dyski an yeth yn godhonyador arall, martesen da via y'gan godhonyador ni, awos bos studh Kernewek nebes 'arbennik'. A vynnyn gwruthyl folenn ha warnodhow derivadow yn kever gerlyvrow, steusow, gramasegow, ha martesen klasow ynwedh? Mes ena, mar koer nebonan redya an folenn, martesen nyns eus edhomm a'y redya :-) !!

*** Eus edhomm a folenn ha warnedhi derivadow yn kever po geryow nowydh po geryow nag yw aswonnys yn ta? Ny wonn hwath pyth yw styr 'Kelghwodhyador' ('kelgh' = 'kylgh'? 'round knowy thing'?) Branvras

Wel, ni a yll gul folennow war neppyth dhe les yn godhoniador! Y krysav vy vos gramasegow, gerlyvrow h.e. fest poesek yn studhyans an Dasserghyans. Vas-y donc! Mes nyns esov ow prederi aga bos "lyenn" stricto sensu, ytho nyns eus rol anedha omma.

"Kelghwodhyador" yw an treylyans usys gans Mickeymoo rag "encyclopedia" (yn Grew, yma enkyklios + paideia ow styrya "adhyskans kylghyek"). My re'n treylyas avel "godhoniador", ow sywya ensampel an ger kembrek "gwyddoniadur". Martesen y tegoedh dhyn ri agan geryow nowydh dhe'n Govel Geryow rag sharya gans an bys ha kavoes meth-war-dhelergh (feedback!).

Ny wonn vy pyth usi Scyens Omryes owth y styrya. (Mickeymoo? A yll'ta agan gweres ni? :-) )

Rakhenna, yma bern warnav yn kever an rol a ISBNyow gans kevrennow tu ha Barnes & Noble, Amazon h.e.: yth omwovynnav a usi an kevrennow na re genwerthel?

Gwella, QuartierLatin1968 05:20, 27 Sep 2004 (UTC)

A! Meur ras dhis! Mes....

• Lemmyn yma dew er y'n keth folenn gans styr 'encyclopedia' - nyns yw henna gwiw.
• Sur ov lies den dhe weles 'godhoniador' y'n kynsa le, hag ena omwovynn (dell wrug vy!) pyth yw 'kelghwodhyador' pan y'n gwelons. Kemmyskys yw.
• Kynth yw styr 'kylgh' neb le y'n Grew (ha herwydh an Gerlyver Chambers nyns yw styr 'enkyklios' 'kylgh' poran, mes 'kemmyn' - kammselys veu an Latinek a askorras an ger 'encyclopedia' (ny wonn, heb mar, mars yw henna ewn)) nyns yw henna acheson da rag gorra an ger 'kylgh' y'n ger kernewek.
• Gwell via sywya Kembrek po Bretonek. Hag aswonnys yw an ger 'godhonador' seulabrys (my a grysi y vos heb 'i' pan y'n gwelas po klywes), dell ov sur. Dhe'n lyha y'n aswonnis kettell welis an ger omma.
• Wor'tiwedh, tybyans da yw dannvon an ger dhe Wovel Geryow - my a'n gwra.

Folenn a-dro dhe dhyski an yeth...y'n eur ma yma folenn 'Dyscans Kernewek' ha kynth yw styr an folenn na 'A Cornish Lesson' my a grys hy bos rag 'Adhyskans Kernewek'. Nyns ov sur. An pyth yw y'm brys yw neppyth kepar ha folenn ha dhedhi hanow 'Dyski Kernewek' - 'Learning Cornish'. Pandr'a dybydh?
A-dro dhe'n NLSK (ISBN!) - yma lies folenn y'n Wikipedia Sowsnek ha warnedha lyvrow gans ISBN. An 'ger-alhwedh' ISBN yw rann an yeth Wiki, dell wodhes. Martesen re genwerthel yw, ha gwell via gul kevrenn gans Just Cornish ages gans Barnes ha Noble, mes heweres yw mar mynn nebonan assaya kavoes neb lyver. Mar mynnydh my a wra aga hemmeres dhe ves. Branvras 08:10, 27 Sep 2004 (UTC)

...Yth unverhaf vy gans QL fatel martesen ny a goth dhe worra [[]] yn kerghyn dhe'n geryow noweth y'n tytel del Kelghwodhyador rag sompel, ha gorra an kevrennow ma dhe Wiktionary. Gaf dhym, mes yth of vy dhe vlamya rag ow corra an ger Kelghwodhyadhor war'n benfolen. Yma va dyworth an gerlyver UCR Sawsnek-Kernowek gans NJ Williams. Mars yu godhoniador moy usyes gans redyoryon an wysva ma, ena martesen y te goth Kelghwodhyador dhe vos chanjyes dhe godhoniador. Y snysaf vy yth yu gwell dhe weles kymysky lyesegeth lyenyethow war'n wyasva. Ogh, yth of vy ynweth dhe vlamya rak Scyens Omryes (Applied Science) ha Scyens Genysyjyk (Natural Science). Y synsaf fatel res yu dhyn dhe vos pur dhe-war careful y'n ow mos dhe Govel Geryow. Geryow Noweth adhewedhes technologylek yu dhe'n ran moyha solabrys creatyes ha dyllys y'n gerlyvrow pryntyes, rag sompel y'n gerlyvrow Morton-Nance, NJ Williams ha Ken George. Mars yu dh'agan po Govel Geryow dhe greatya geryow noweth rak geryow nyns us dhyn agan aswonvos ny hep ow consulya po ow cofhe gans an gerlyvrow pryntyes, y fydhyn ny dhe vlamya rag ow tybarthhe an yeth kernewek pella moy. User:Mickymoo 13:15 27 Sep 2004

Da lowr. Mes ottena an kudynn. Mar ny woer nebonan an ger 'kelghwodhyador' ny yllir y gavoes drefenn, kyth usi yn gerlyver Williams, nag eus rann Kernewek-Sowsnek. Gweth yw a-barth an ger 'godhoniador' - nyns usi an ger na yn gerlyver vydh! Rakhenna, y'n kynsa le, gwell via mar kwren devnydh a eryow esons yn po gerlyver Nance po gerlyver George (awos i dhe vos kevys yn rann Kernewek-Sowsnek). Mar nyns yw henna possybyl, ha ger nowydh po ger dhiworth gerlyver Williams yw, res yw dhyn gorra treylyans neb le. Martesen folenn kepar ha 'Gweres gans Gerva'? Branvras 07:44, 28 Sep 2004 (UTC)

Pyth yn kever folenn Ewnheansow hag Ystynnyansow a'n Yeth? Rag diskwedha taklow nowydh nag yw na hwath y'n gerlyvrow na lyvrow dyski? Martesen y fia gwell y ranna ynter an bagasow diblans! Mongvras 21:50, 19 October 2005 (UTC)

Bonne idée! Wikipedia:Gerva ystynnys martesen? ☮ yn-medh Owen. 18:56, 29 Metheven 2006 (UTC)