Konnar dowrgleudhyow

Konnar Dowrgleudhyow o oos bysi a dhrehevel dowrgleudhyow yn Pow Sows ha Kembra ynter an 1790ow hag an 1810ow, hag an hwethen marghas stock a dheuth ganso y'n 1790ow a-varr.

Kilva

Y trehevis an a-varra dowrgleudhyow avel negysyow leel, dell o usys gans gwikoryon, gwrioryon po perghennow balyow a vynnas gorholya gwara, kepar ha dowrgleudh Duk Bridgewater a veu byldyes rag karya glow a-dhyworth Worsley dhe Vanchester.

Despit dhe gost ughel an drehevans, an pris a low yn Manchester a dhiyskynnas 50% yn kott wosa'n dowrgleudh dhe ygeri, ha sewena arghansek o tennvosek dhe gevargheworyon.

Bresel Anserghogeth Amerika a dhiwedhas yn 1783. Resek hir a drevasow da a ledyas dhe gressyans yn gober towladow ha kressyans y'n niver a dus esa ow hwilas kevarghewi chatel rag budh gans les personal boghes y'n negys. Hemm a sewyas yn kressyans yn aventurys le war.

Niver a dowlennow py a avonsyas eth yn-bann yn tramasek. Ny veu saw unn dowrgleudh grontyes gans Reyth an Governans yn 1790, mes erbynn 1793 yth esa ugens. An chatel a rontyas yn 1790 o £90,000 (£9.7 milvil yn 2015), mes hemm re savsa dhe £2,824,700 (£299 milvil yn 2015) erbyn 1793.

Nebes a'n dowrgleudhyow py a rontyas dres an spys ma eth yn-rag dhe vos lesek. Byttegyns yth esa nebes, ow komprehendya an Dowrgleudh Pow Henfordh ha Pow Gloster, na wrug tyli yn-mes. Erel, kepar ha Dowrgleudh Bras an West, na veu gorfennys.

Gwelewgh ynwedh

Dowrgleudh