Koswik

Ensampel a	parth losowedh, feature type
Klass	ekosystem, parth losowedh, biom, natural geographic entity, nas doroniethel
Rann a	kerghynnedh naturel, bewgylgh
Synsys ynno/i	gwedhen, stand, forest station
	Restrennow kelmys war Gemmyn Wikimedia

Ranndir gans dosedh ughel a wydh yw koswik, (po forest ha gwylvos). Yma dhe goswik niver a styryansow selwys war nebes meyn prof, kepar ha dosedh an gwydh, myns an arenebedh, po devnydh tir. Gerlyver Pennskol Kembra a lever dell yw an styr "Darn meur a dir gans lies gwedhen ha prysken ow tevi yn naturel warnodho, a vri kyns avel skovva dhe enevales gwyls a lies eghen, may feu usys rag helghya". An Fondyans Boos hag Ammeth a lever koswigow dhe worheri a-dro dhe 4 bilvil hektar (15 milvil mildir pedrek) yn ollvysel.

Y hyllir leverel bos koswigow an chif ekosystem war an Norvys, ha kevys yns i a-derdro an bys. Ottomma 75% a askorrans elvennek bewgylgh an Nor, ha 80% biomas an Nor. 9.9% a arenebedh Kernow yw gorherys gans koswigow.

Tempredh ha glawas yw an dhiw dra bosekka rag koswigow. Lies tyller yw re yeyn po re segh ragdha. Koswigow a yll eksistya a'n kehysedh dhe ogas dhe'n ranndiryow pennaghlek, mes hinow dyffrans a's teves koswigow dyffrans. Yn hinow yeyn, sab a warthev, mes yn ranndiryow temprek po trovannel plansow bleujennek yw gwarthevus. Nyns eus koswigow yn difeythiryow, a-der nebes gwydh yn tylleryow may hyll aga gwreydh drehedhes dowr yn-dann dhor.

Eghennow dyffrans a goswik a-dreus an Nor golegi

Gwydh sybwydh yn Siberi - eghen a goswik henwys taiga
Kevys yw gwydh kolldhel yn ranndiryow temprek kepar ha Kernow hag Europa
Deskrifys yw koswigow trovannel avel "skevens an Nor" - an eghen ma a goswik yw gelwys selva
Eghen a goswik kevys war venydhyow trovannel ughel yw koswik gomolen (Sowsnek - cloud forest)

Koswigieth yn Kernow golegi

Perghenegys ha dyghtys yw gwydh ha koswigow Kernow gans nebes fondyansow. I a gomprehend Desedhek an Koswigow (Forestry Commission), Trest Kenedhlek, Trest Godhvewnans Kernow, An Trest Gwedhegi ha Duketh Kernow. Konsel Kernow a'n jeves towl dhe blansa 2% aral a arenebedh Kernow gans gwydh avel rann a'ga towlen dhe worthsevel chanj an hin. Hanow an towl yw Koswik rag Kernow.

Gwydhlan a sybwydh war Woon Brenn (Gwydhlan Hirvenydh ogas dhe Alternonn)
Koswik ogas dhe Pons Drayl yn ranndir Lyskerrys
Dowr Fawi yn Koos Draynes - hen wedhek golldhel
Koos Dinmeur yn Nans Kammel, usys rag omgeveryans (Sowsnek - orienteering)
Koswik golldhel Stenek (ogas dhe Gammbronn)

Onan a'n mil erthygel posekka war Wikipedya yw an erthygel ma.