Lilian Daw

Gwarnyans magor: yma manylyon an darvosow po an diwedh ow sywya.

Lilian Pearl Daw, aswonys avel Lilian James dell yw usys, yw skrifores Kernewek a Ostrali.

Hwor yw dhe'n bardh Kernewek Ron Daw (Map Moonta). Hi a spenas hy yowynkneth yn Moonta, Ostrali Soth, ranndir leun a ertach Kernewek le may tivroas lies Kernow nans yw termyn hir. Hi a dheuth ha bos dyskadores skol gynradh. Wosa dyski Kernewek Unys dre Gernewek Dre Lyther, hi a dhallathas skrifa hwedhow yn Kernewek Kemmyn rag fleghes settys yn Ostrali. Kuntellys veu oll an hwedhlow avel kuntel-lyver yn 2012 gans Kowethas an Yeth Kernewek mes an tro ma y'n Furv Skrifys Savonek (Kres). Hi a veu berdhys gans Gorsedh Kernow der apposyans yn 1988 gans an hanow bardhek Ula Ruthvelen. Hi re oberas yn tiwysyk dres an yeth ha gonisogeth Kernewek Ostrali Soth lies bledhen, ha drefen henna, hi a veu enorys gans "Bath an Urdh Ostralek" yn 2005. Hi a syns klassow dyski an yeth pub Kernewek Lowender. Yn 2019 hi a dhyllas hy honan-vewskrif, "Golden Embers: A Childhood Memoir of East Moonta".

Dyllye veu niver a'y hwedhlow yn An Gannas, kepar ha An Spyryr-Dans ha Kellys, an dhew yn (1989).

Anethow Ostralek

(The Collected Stories of Lilian James)

1. Kevrin an glus-hwytha
2. Kamm re bell
3. Sagh leun a gregyn
4. An dhragon rudh
5. An bocka
6. Hunros Mandy
7. Sawyes gans kolom

Dyllys veu an hwedhlow rag an kynsa tro yn 1990 (1 & 2), 1991 (3), 1995 (4), 2005 (6), 2007 (5) ha 2008 (7).

Hwedhlow yns i a-dro dhe niver a fleghes, Joe ha'y hwor Mandy, Wade ha Pete. I a syns ladron, godheva droklammow war dir ha mor, mos dre dan gwyls, ha Joe yw argipys gans drogoberyon.