Losowen an drynsys
| Losowen an drynsys | |
|---|---|
| |
| Losowen an drynsys (Viola tricolor) | |
| Klassans bewoniethek | |
| Gwlaskor: | |
| Ughrannans: | Tracheophytes
|
| (anrenkys): | |
| (anrenkys): | Eudicots
|
| (anrenkys): | Rosids
|
| Urdh: | Malpighiales
|
| Teylu: | Violaceae
|
| Kinda: | Viola
|
| Hanow dewhenwek | |
| Viola tricolor Linnaeus | |
Viola tricolor yw bleujen wyls kemmyn europek, ow tevi avel bleujen vledhynnyek po pubvledhynnyek berr hy oos. Hy hanow Kernewek yw losowen an drynsys, hevelep dhe onan a'y henwyn Kembrek llysiau'r drindod. Hy hanow kemmyn Kembrek yw trilliw, hemm yw tri liw. Henwyn Sowsnek a gomprehend heartsease ha wild pansy. Komendys veu dhe Amerika north, le may lesas. An bleujyow a yll bos rudhlas, glas, melyn po gwynn.
Deskrifans golegi
Losow an drynsys yw plansow byghan a'ga groweth, namenowgh ow trehedhes ughelder moy ages 15cm (6 meusva). An bleujyow yw a-dro dhe 1.5cm yn treuslinen. I a dyv yn gwelsdir berr war vargenyow tir ha tir difeyth, dell yw usys war weresow trenk po newtral. Kevys yw yn tylleryow skeusek yn rannel. I a's teves gwreydhkyfyow hag a askor bys dhe 50 hasen pub bleujowans.
Usadow hengovek golegi
An hanow Sowsnek heartease a gampoll hy istori hir a us yn losowieth ha medhegneth hengovek, ha rag epilepsi, klevesow kneus ha klavor gleb (eczema), ha rag kudynnow anella kepar ha bronkitis, asthma hag arwodhow anwos. Diuretik yw ynwedh, ow ledya dhe'y us hengovek rag remm ha cystitis.
An eghen Viola arvensis a's teves semlant pur haval dhe losowen an drynsys, mes a dyv war dewynnow ha tylleryow arvorel.
-
Semlant tipek an bleujyow -
Versyon gwynn -
Bonni a losow an drynsys -
Gorher tew a losow an drynsys
