Map nep Dama – an Whethel Ingrid

Gwarnyans magor: yma manylyon an darvosow po an diwedh ow sywya.

Bewskrif skrifys gans Heather Ashworth yw Map nep Dama - an Whethel Ingrid. Skrifys veu yn Kernewek Unys ha dyllys gans Spyrys a Gernow yn 2002. Hemm yw an bewskrif kynsa skrifys yn Kernewek dell lever raglavar an lyver.

An hwedhel a sew bewnans Ingrid Emma Martha Sienkrecht. Genys veu yn 1929 yn Altona, trev vyghan ogas dhe Hamburg, Almayn, mes yth esa hi ow triga yn Blankenese wosa nebes bledhynnyow. Yn skon wosa an Vresel, hi a vetyas gans Thomas John Billing, o soudor y'n Lu Bretennek. Wosa ev dhe asa an Lu yn 1947, restrys veu hi dhe dhos dhe Gernow rag demedhi. I a dhemedhis yn mis Genver 1948 yn Resrudh.

I a gavas peswar flogh ynter 1950 ha 1963, Peter, Treve, Graham ha Michael, hag onan a verwis kyns bos genys, Shirley. Hy gour a oberas yn gweythva Holman, mes wosa nebes bledhynnyow ev o ynkressys hanter-skentyl. Ev a weresas delivra tus dhyworth Belsen, gans gweles gwelow euthyk. Hi a oberas yn niver veur o dylleryow, ha gweythvaow kepar hag ICI, Bush (gweythva pellwologow) po Berrymans, ha gwerthjiow pysk hag asklos, ow klanhe po gwrias rag nebes tus ynwedh, owth oberi avel klavjiores hag yn golghji maga ta.

Hy gour a verwis yn 1984. Ingrid hy honan a verwis yn mis Gwynngala 2020.