Mellkeyn

An mellkeyn yw rann a'n korfeskern aksial. Mellkeynoges yw enyvales gans mellkeyn. Gwrys a eskern henwys mellennow yw an mellkeyn. An mellennow a gerghynn ha gwitha kanel an mellkeyn ha'n lovan vellkeyn.

Aray a'n mellennow yn mellkeyn den.

Yma adro dhe 50,000 eghen a enevales gans mellkeyn.

Mellennow

Yn tus yma 32 po 34 mellen yn mellkeyn. Pub askorn y'n keyn yw henwys yn unnik herwydh aga rann a'n keyn ha le y'n rann na. An mellennow yw, dhyworth an penn dhe'n lost:

• Seyth mellen an konna (C1–C7)
• Dewdhek mellen an brest (T1–T12)
• Pymp mellen an kres (L1–L5)
• Mellen vras, gwrys a bymp mellen lenys (S1–S5 - Os sacrum)
• Askorn lost, gwrys a yntra teyr ha pymp mellen lenys (Coccyx)
  

Strethur

Diw vellen

Pub mellen yw askorn direwl. Braster an mellen a greg war hy le y'n mellkeyn.

1 Lovan vellkeyn - 2 Nerven vellkeyn - 3 Balek kevals a-ugh - 4 Balek spernek - 5 Torthel helergh a'n balek treus - 6 Bolgh-treus - 7 Torthel a-rag a'n balek treus - 8 Korf mellen - 9 Plasen yntra-mellennow - 10 Sprusen kowlesek